କାଶ୍ମୀର ଡାକ୍ତରଙ୍କ କରୋନାରେ ମୃତ୍ୟୁ
ଶ୍ରୀନଗର: ଦୀର୍ଘ ୪ ମାସ ଧରି କରୋନା ରୋଗୀଙ୍କ ଚିକିତ୍ସା କରୁଥିବା କାଶ୍ମୀରର ଜଣେ ବରିଷ୍ଠ ଡାକ୍ତରଙ୍କ କରୋନାରେ ମୃତ୍ୟୁ ହୋଇଯାଇଛି। ଦକ୍ଷିଣ କାଶ୍ମୀରର ପୁଲ୍ୱାମା ଜିଲ୍ଲା ସ୍ଥିତ ପାମ୍ପୋଡ଼େ ଅଞ୍ଚଳର ଡ. ମହମ୍ମଦ ଆଶରଫ୍ ମିର୍ଙ୍କର ଆଜି ସ୍କିମ୍ସ ହସ୍ପିଟାଲ୍ରେ ମୃତ୍ୟୁ ହୋଇଯାଇଛି। ସରକାରୀ ଅଧିକାରୀଙ୍କ ସୂତ୍ରରୁ ଜଣାପଡ଼ିଛି ଯେ, ଡ. ମୀର୍ ଦୀର୍ଘ ୪ ମାସ ଧରି କରୋନା ରୋଗୀଙ୍କ ଚିକିତ୍ସା କରୁଥିଲେ। ଡାକ୍ତର ଜଣଙ୍କ କରୋନା ପଜିଟିଭ୍ ହେବାପରେ ହସ୍ପିଟାଲ୍ରେ ଭର୍ତ୍ତି ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ଉପରାଜ୍ୟପାଳ ମନୋଜ ସିହ୍ନା ଉକ୍ତ ଘଟଣାରେ ଗଭୀର ଶୋକ ପ୍ରକାଶ କରିଛନ୍ତି। ଏକ ଶୋକବାର୍ତ୍ତା ଜାରି କରି ଉପରାଜ୍ୟପାଳ ସିହ୍ନା ଶୋକସନ୍ତପ୍ତ ପରିବାର ସଦସ୍ୟଙ୍କୁ ସମବେଦନା ଜଣାଇଛନ୍ତି। ଜମ୍ମୁ କାଶ୍ମୀର ପ୍ରଦେଶ କଂଗ୍ରେସ କମିଟି ସଭାପତି ଜି ଏ ମୀର ମଧ୍ୟ ଉକ୍ତ ଘଟଣାରେ ଗଭୀର ଶୋକ ପ୍ରକାଶ କରିଛନ୍ତି। ପିଡିପି ପକ୍ଷରୁ କୁହାଯାଇଛି ମୀର୍ ଜଣେ ହିରୋ ଥିଲେ।