ହାଇଦ୍ରାବାଦ: ତେଲେଙ୍ଗାନା ସିଏମ ଏବଂ ପୂର୍ବତନ ବିଆରଏସ ମୁଖ୍ୟ କେ.ଚନ୍ଦ୍ରଶେଖର ରାଓ(କେସିଆର)ଙ୍କ ବିରୋଧରେ ନିର୍ବାଚନ ଆୟୋଗ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଆସନ୍ତା ୪୮ ଘଣ୍ଟା ପାଇଁ ନିର୍ବାଚନ ଆୟୋଗ କେସିଆରକୁ ପ୍ରଚାର କରିବାକୁ ବାରଣ କରିଛନ୍ତି।

Advertisment

କେସିଆରଙ୍କ ବିରୋଧରେ ନିଷେଧାଦେଶର ଅବଧି ବୁଧବାର ରାତି ୮ ଟାରୁ ଆରମ୍ଭ ହେବ। ନ୍ୟୁଜ୍ ଏଜେନ୍ସି ଏଏନଆଇ ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ, କଂଗ୍ରେସ ବିରୋଧରେ ଆପତ୍ତିଜନକ ତଥା ଅପମାନଜନକ ଭାଷା ବ୍ୟବହାର ପାଇଁ କେସିଆରଙ୍କ ବିରୋଧରେ ଏହି ନିଷେଧାଦେଶ ଜାରି କରାଯାଇଛି।

କଂଗ୍ରେସ ନେତା ଜି ନିରଂଜନଙ୍କ ଅଭିଯୋଗ ଉପରେ ନିର୍ବାଚନ ଆୟୋଗଙ୍କ ଦ୍ବରା ଏହି ପଦକ୍ଷେପ ନିଆଯାଇଛି। କଂଗ୍ରେସ ଦଳ ବିରୋଧରେ ଆପତ୍ତିଜନକ ତଥା ଅପମାନଜନକ ମନ୍ତବ୍ୟ କେସିଆର ଦେଇଥିବା ସେ ଅଭିଯୋଗ କରିଥିଲେ।

ନିର୍ବାଚନ ଆୟୋଗ ଏକ ବିବୃତ୍ତି ଜାରି କରି କହିଛନ୍ତି ଯେ ବୁଧବାର ରାତି ୮ ଟାରୁ କେସିଆର ଆସନ୍ତା ୪୮ ଘଣ୍ଟା ପାଇଁ କୌଣସି ସାଧାରଣ ସଭା, ପଦଯାତ୍ରା, ଜନ ସମାବେଶ କିମ୍ବା ସାକ୍ଷାତକାର ଆୟୋଜନ କରିପାରିବ ନାହିଁ।

ଇସି କହିଛନ୍ତି ଯେ ଏପ୍ରିଲ୍ ୫ରେ ଏକ ସାମ୍ବାଦିକ ସମ୍ମିଳନୀରେ କେସିଆରଙ୍କ ମନ୍ତବ୍ୟ ଆଦର୍ଶ ଆଚରଣ ସଂହିତା ଏବଂ ଏହାର ଆଡଭାଇଜରୀକୁ ଉଲ୍ଲଂଘନ କରିଛି।

ସିରସିଲା ବିଧାନସଭା ନିର୍ବାଚନମଣ୍ଡଳୀରେ କେସିଆରଙ୍କ ପୁଅ କେ.ଟି. ରାମା ରାଓ ପ୍ରତିନିଧିତ୍ୱ କରୁଛନ୍ତି। ନିରଂଜନଙ୍କ ଅଭିଯୋଗକୁ ଭିତ୍ତି କରି ଇସି ତେଲେଙ୍ଗାନାର ମୁଖ୍ୟ ନିର୍ବାଚନ ଅଧିକାରୀଙ୍କୁ ଏକ ସତ୍ୟପାଠ ଦାଖଲ କରିବାକୁ କହିଥିଲେ ଯାହା ଏପ୍ରିଲ ୧୦ରେ କରାଯାଇଥିଲା।

ଇସି ଏପ୍ରିଲ ୨୩ରେ କେସିଆର ଜାରି ହୋଇଥିବା କାରଣ ଦର୍ଶାଅ ନୋଟିସର ଏକ ପ୍ରତିକ୍ରିୟା ଉପସ୍ଥାପନ କରିଥିଲେ। ​​ ସେ କହିଥିଲେ ଯେ ତେଲେଙ୍ଗାନା ଏବଂ ସିରସିଲାରେ ନିର୍ବାଚନ ଦାୟିତ୍ୱରେ ଥିବା ଅଧିକାରୀମାନେ ତେଲୁଗୁ ଲୋକ ନୁହଁନ୍ତି ଏବଂ ସେମାନେ ସ୍ଥାନୀୟ ଭାଷାକୁ ବୁଝିପାରନ୍ତି ନାହିଁ। ସାମ୍ବାଦିକ ସମ୍ମିଳନୀରୁ କିଛି ବାକ୍ୟ ବାଛି ନେଇ କଂଗ୍ରେସ ଏହି ଅଭିଯୋଗ ଆଣିଛି। ବାକ୍ୟର ଇଂରାଜୀ ଅନୁବାଦ ସଠିକ୍ ନୁହେଁ ଏବଂ ବଦଳା ଯାଇଛି ।

କେସିଆର ଏହା ମଧ୍ୟ ଦାଖଲ କରିଛନ୍ତି ଯେ ସେ ତାଙ୍କ ସମାଲୋଚନାକୁ ରାଜ୍ୟରେ କଂଗ୍ରେସର ନୀତି ଏବଂ କାର୍ଯ୍ୟକ୍ରମରେ ସୀମିତ ରଖିଛନ୍ତି। ସେ କୌଣସି କଂଗ୍ରେସ ନେତାଙ୍କ ବ୍ୟକ୍ତିଗତ ଦିଗ ଉପରେ କୌଣସି ସମାଲୋଚନା କରିନାହାନ୍ତି।