ଆସନ୍ତା ମେ ୯ ତାରିଖରେ ଭକ୍ତଙ୍କ ଲାଗି ଖୋଲିବ କେଦାରନାଥ ମନ୍ଦିର, ପୁଣି ଥରେ ଆରମ୍ଭ ହେବ ଚାରିଧାମ ଯାତ୍ରା
ଉତ୍ତରାଖଣ୍ଡ : ଖୁବ୍ଶୀଘ୍ର ଖୋଲିବାକୁ ଯାଉଛି କେଦାରନାଥ ମନ୍ଦିର। ପୁଣି ଥରେ ଆରମ୍ଭ ହେବ ଚାରିଧାମର ଯାତ୍ରା । ତେବେ ମିଳିଥିବା ସୂଚନା ଅନୁସାରେ ଭୋଲାବାବାଙ୍କ ଦର୍ଶନ କରିବା ପାଇଁ ଭକ୍ତଙ୍କୁ ଆଉମାତ୍ର ମାସେ ଅପେକ୍ଷା କରିବା ପାଇଁ ପଡିବ । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ ମନ୍ଦିର ଖୋଲିବା ନେଇ ରୁଦ୍ରପ୍ରୟାଗ ଜିଲ୍ଲାର ଓକ୍ଷୀ ମଠର ଓଁମାରେଶ୍ୱର ମନ୍ଦିର ପକ୍ଷରୁ ବିଧିବଦ୍ଧ ଭାବରେ ଘୋଷଣା କରାଯାଇଛି । ତେବେ ଏହା ଘୋଷଣା ହେବା ସମୟରେ ପ୍ରତ୍ୟେକ ଥର ପରି ଚଳିତଥର ମଧ୍ୟ ପାରମ୍ପରିକ ଭାବରେ ମନ୍ତ୍ର ଉଚ୍ଚାରଣ ସହ ଶଙ୍ଖଧ୍ୱନିର ନାଦ କରାଯାଇଥିଲା । ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ, ମେ ମାସ ୯ ତାରିଖରେ ପ୍ରାତଃ ୫ଟା ୩୦ ମିନିଟରେ ମନ୍ଦିରର ମୁଖ୍ୟ ଦ୍ୱାରା ଖୋଲାଯିବ । ଏହାପରେ ଭକ୍ତମାନେ ଭୋଲାବାବାଙ୍କ ଦର୍ଶନ କରିପାରିବେ ।
Sambad is now on WhatsApp
Join and get latest news updates delivered to you via WhatsApp
ପ୍ରତିବର୍ଷ ଶୀତଦିନ ଆରମ୍ଭ ହେବା ସମୟରେ କେଦାରନାଥ ମନ୍ଦିରକୁ ବନ୍ଦ ରଖାଯାଏ । କାରଣ ପ୍ରବଳ ଶୀତ ହେବା କାରଣରୁ ମନ୍ଦିରକୁ ପ୍ରାୟ ୬ମାସ ବନ୍ଦ ରଖାଯାଏ । ତେଣୁ ଚାରିଧାମ ଦର୍ଶନ କରିବା ପାଇଁ ଅପେକ୍ଷା କରିଥିବା ଭକ୍ତମାନେ ମନ୍ଦିର ଖୋଲିବା ସମୟରେ ପ୍ରବଳ ଭିଡ ଜମାଉଥିବାର ଦେଖାଯାଇଥାଏ । ତେବେ ଏହି ଘୋଷଣା ହେବାପରେ ଭକ୍ତମାନେ ଆନନ୍ଦିତ ହୋଇଛନ୍ତି ।