କୋଭିଡ୍‌-୧୯ ପ୍ରତିବନ୍ଧକ ଉଚ୍ଛେଦ ହୋଇଥିଲେ ବି ମାସ୍କ ପିନ୍ଧିବା ଜାରି ରଖନ୍ତୁ: ଆଇସିଏମଆର-ଏନଆଇଭି ନିର୍ଦ୍ଦେଶକ

ନୂଆଦିଲ୍ଲୀ: ସଂପ୍ରତି ଦେଶର ବିଭିନ୍ନ ରାଜ୍ୟର ରାଜ୍ୟ ସରକାରମାନେ କୋଭିଡ୍‌-୧୯ ପ୍ରତିବନ୍ଧକକୁ ଉଚ୍ଛେଦ କରିବା ଏବଂ ସାର୍ବଜନୀନ ସ୍ଥାନରେ ମାସ୍କ ପିନ୍ଧିବା ପରି କେତେକ ବାଧ୍ୟତାମୂଳକ ନିୟମକୁ କୋହଳ କରି ଦେଇଛନ୍ତି। ଏ ପରିସ୍ଥିତିରେ ଦେଶର ସ୍ୱାସ୍ଥ୍ୟ ବିଶେଷଜ୍ଞମାନେ ସତର୍କତା ଅବଲମ୍ବନ ପାଇଁ ପରାମର୍ଶ ଦେଇ କହିଛନ୍ତି ଯେ ଏହି ରୋଗର ସଂକ୍ରମଣକୁ ହ୍ରାସ କରିବାରେ ମାସ୍କ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ତେଣୁ, କୋଭିଡ୍‌-୧୯ ପ୍ରତିବନ୍ଧକ ସବୁର ଉଚ୍ଛେଦ ପରେ ମଧ୍ୟ ପୂର୍ବ ପରି ମାସ୍କ ବ୍ୟବହାର କରିବାକୁ ସେମାନେ ପରାମର୍ଶ ଦେଇଛନ୍ତି।

ଆଇସିଏମଆର- ନ୍ୟାସନାଲ ଇନଷ୍ଟିଚ୍ୟୁଟ ଅଫ ଭାଇରୋଲୋଜି (ଆଇସିଏମଆର-ଏନଆଇଭି)ର ନିର୍ଦ୍ଦେଶକ ଡକ୍ଟର ପ୍ରିୟା ଆବ୍ରାହମ ଗଣମାଧ୍ୟମକୁ କହିଛନ୍ତି ଯେ ବିଶେଷ କରି ଜନଗହଳିପୂର୍ଣ୍ଣ କିମ୍ବା ପର୍ଯ୍ୟାପ୍ତ ବାୟୁ ଚଳାଚଳ କରୁ ନଥିବା ସ୍ଥାନମାନଙ୍କରେ ସମସ୍ତେ ମାସ୍କ ପିନ୍ଧିବା ଜାରି ରଖିବା ଉଚିତ୍‌।

ଡକ୍ଟର ପ୍ରିୟା ଆବ୍ରାହମ କହିଛନ୍ତି, ‘ମୁଁ ଭାବୁନାହିଁ ଯେ ସତର୍କତା ଅବଲମ୍ବନ କରିବାର ସମୟ ଅଛି। ତଥାପି, ମୁଁ ବ୍ୟକ୍ତିଗତ ଭାବରେ ବିଶ୍ୱାସ କରେ ଯେ ଯେକୌଣସି ଜନଗହଳିପୂର୍ଣ୍ଣ ସ୍ଥାନରେ ଯେଉଁଠାରେ ଆମେ ପରସ୍ପରର ଯଥେଷ୍ଟ ନିକଟତର ହେଉଛୁ କିମ୍ବା ପର୍ଯ୍ୟାପ୍ତ ବାୟୁ ଚଳାଚଳ କରୁ ନଥିବା ସ୍ଥାନରେ ବସିଛୁ, ଆମକୁ ଏକ ମାସ୍କ ପିନ୍ଧିବା ଆବଶ୍ୟକ। ସଂକ୍ରମଣ ହ୍ରାସ କରିବାରେ ମାସ୍କର ନିଶ୍ଚିତ ଭାବରେ ଗୁରୁତ୍ୱପୂର୍ଣ୍ଣ ଭୂମିକା ରହିଛି’ ବୋଲି ସେ କହିଛନ୍ତି।