ଦିଲ୍ଲୀରେ ପରିବେଶ ପ୍ରଦୂଷଣକୁ ନେଇ ମହା ଅଭିଯାନ ଆରମ୍ଭ କରିବେ କେଜ୍ରିୱାଲ
ନୂଆଦିଲ୍ଲୀ: ବାୟୁ ପ୍ରଦୂଷଣକୁ ନେଇ ଚର୍ଚ୍ଚାରେ ରହିଆସୁଥିବା ଦିଲ୍ଲୀକୁ ସ୍ଵଛ ଓ ପ୍ରଦୂଷଣ ମୁକ୍ତ କରିବାକୁ ମହା ଅଭିଯାନ ଆରମ୍ଭ କରିବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ | ଦିଲ୍ଲୀର ପରିବେଶ ମନ୍ତ୍ରୀ ଗୋପାଳ ରାୟ ରବିବାର କହିଛନ୍ତି ଯେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୋମବାର ସମ୍ପୃକ୍ତ ବିଭାଗ ସହ ଆଲୋଚନା ପରେ ବାୟୁ ପ୍ରଦୂଷଣ ବିରୋଧରେ ଏକ ବିଶାଳ ଅଭିଯାନ ଆରମ୍ଭ କରିବେ। ରାୟ କହିଛନ୍ତି ଯେ କେଜ୍ରିୱାଲଙ୍କ ନେତୃତ୍ୱରେ ଦିଲ୍ଲୀ ବିକାଶ ପ୍ରାଧିକରଣ, ଦିଲ୍ଲୀ ଜଲ୍ ବୋର୍ଡ, ଦିଲ୍ଲୀର ମ୍ୟୁନିସିପାଲ୍ କର୍ପୋରେସନ୍, ଟ୍ରାଫିକ୍ ପୋଲିସ୍, ପରିବହନ ବିଭାଗର ଉଚ୍ଚ ପଦାଧିକାରୀଙ୍କ ସହ ଏକ ବୈଠକ କରାଯିବ |
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ମୁଖ୍ୟମନ୍ତ୍ରୀ ସୋମବାରଠାରୁ ପ୍ରଦୂଷଣ ବିରୋଧରେ ଅଭିଯାନ ଆରମ୍ଭ କରିବେ। ନିକଟରେ କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭଡେକରଙ୍କ ସହ ଏକ ବୈଠକରେ ଗୋପାଳ ରାୟ ସୂଚନା ଦେଇଥିଲେ ଯେ ଦିଲ୍ଲୀର ଚାରିପାଖରେ ୧୯୦୦ ରୁ ଅଧିକ ଇଟାଭାଟି ଅଛି, ଯାହାକୁ ଡିସେମ୍ବର ୨୦୧୯ ସୁଦ୍ଧା ପୁରୁଣା ଟେକ୍ନୋଲୋଜି ବଦଳାଇବାକୁ କୁହାଯାଇଥିଲା।
प्रदूषण के खिलाफ कल से अभियान की शुरुआत करेंगे दिल्ली के मुख्यमंत्री @ArvindKejriwal
— Gopal Rai (@AapKaGopalRai) October 4, 2020
ରାୟ କହିଛନ୍ତି ଯେ ଉତ୍ତରପ୍ରଦେଶରେ ୧୬୪୦ ରୁ ଅଧିକ ଇଟାଭାଟି ଥିବାବେଳେ ହରିୟାଣାରେ ୧୬୧ ଟି ଏବଂ ରାଜସ୍ଥାନରେ ୧୬୪ ଟି ଇଟାଭାଟି ଅଛି। ସେ କହିଛନ୍ତି ଯେ ଏହି ସବୁ ଇଟାଭାଟିରୁ ବାହାରୁଥିବା ଧୂଆଁ ଦିଲ୍ଲୀରେ ବାୟୁ ପ୍ରଦୂଷଣର ଏକ ପ୍ରମୁଖ କାରଣ।