ଦିଲ୍ଲୀ ଓ ମହାରାଷ୍ଟ୍ରରେ ହୁ ହୁ ହୋଇ ବଢ଼ୁଛି ସଂକ୍ରମଣ; କେନ୍ଦ୍ର ସରକାରଙ୍କୁ ସହାୟତା ମାଗିଲେ କେଜ୍ରିୱାଲ, ଉଦ୍ଧବ ଠାକରେ
ନୂଆଦିଲ୍ଲୀ: ଦେଶରେ କରୋନା ସଂକ୍ରମଣରେ ଏବେ ଯେଉଁ କେତୋଟି ରାଜ୍ୟ ଆଗରେ ଅଛନ୍ତି ତା’ ମଧ୍ୟରେ ଦିଲ୍ଲୀ ଓ ମହାରାଷ୍ଟ୍ର ଅଛନ୍ତି ଆଗରେ । ଦିଲ୍ଲୀରେ ଦୈନିକ ସଂକ୍ରମିତ ୨୪ ହଜାରରେ ପହଁଚିବା ପରେ ବଢିଯାଇଛି ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ଚିନ୍ତା । ସେପଟେ ଅକ୍ସିଜେନ ଓ ବେଡ୍ ସଂଖ୍ୟାକୁ ନେଇ କେନ୍ଦ୍ର ସରକାରଙ୍କ ଠାରୁ ସହାୟତା ମାଗିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ । ଆଜି ସାମ୍ବାଦିକ ସମ୍ମିଳନୀରେ କେଜ୍ରିୱାଲ ସ୍ପଷ୍ଟ କରିଛନ୍ତି ଯେ ଆଗାମୀ କିଛି ଦିନ ସ୍ଥିତି ଉପରେ ନଜର ରଖାଯିବ । ପରେ ଦିଲ୍ଲୀବାସୀଙ୍କ ସୁରକ୍ଷା ନେଇ କୌଣସି ବି କଡା ପଦକ୍ଷେପ ଗ୍ରହଣ କରାଯିବ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ପରି ମହାରାଷ୍ଟ୍ରରେ ମଧ୍ୟ କରୋନା ସ୍ଥିତି ଜଟିଳ ରହିଛି । ମୁମ୍ୱାଇ, ନାଗପୁର, ପୁଣେ ସବୁଠାରେ ଲାଗୁ ହୋଇଛି ଲକଡାଉନ । ଏହାରି ଭିତରେ ମହାରାଷ୍ଟ୍ର ସରକାରଙ୍କ ଚିନ୍ତା ବଢାଇଛି ହସ୍ପିଟାଲରେ ଅକ୍ସିଜେନ ଅଭାବ । ଏହାକୁ ନେଇ ଫୋନ୍ କରି ପ୍ରଧାନମନ୍ତ୍ରୀଙ୍କ ସହିତ କଥା ହୋଇଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ଜରୁରୀ ଭିତ୍ତିରେ ଅକ୍ସିଜେନ୍ ସିଲିଣ୍ଡର ବିମାନ ଜରିଆରେ ପଠାଇବାକୁ କେନ୍ଦ୍ରକୁ ଅନୁରୋଧ କରିଛନ୍ତି ଉଦ୍ଧବ ଠାକରେ । ଏହା ପରେ ତୁରନ୍ତ ୧୧ ୨୧ ଅକ୍ସିଜେନ୍ ସିଲିଣ୍ଡର ତୁରନ୍ତ ପଠାଇବା ବ୍ୟବସ୍ଥା କରାଯାଇଥିବା ଟୁଇଟ୍ କରି ସ୍ପଷ୍ଟ କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ।
ଅନ୍ୟପଟେ କେନ୍ଦ୍ରକୁ କରୋନା ମୁକାବିଲାରେ ସହାୟତା ମାଗିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ । ଦିଲ୍ଲୀରେ ବଢୁଥିବା ସଂକ୍ରମଣ ଭିତରେ କେଜ୍ରିୱାଲ ସ୍ପଷ୍ଟ କରିଛନ୍ତି ଯେ ବର୍ତମାନ ସପ୍ତାହନ୍ତ ଲକଡାଉନରେ ସ୍ଥିତି ନସୁଧୁରିଲେ ଆଗକୁ ନିଆଯିବ ବଡ ପଦକ୍ଷେପ । କାରଣ ଦିଲ୍ଲୀବାସୀଙ୍କ ଜୀବନ ସବୁଠାରୁ ମୂଲ୍ୟବାନ ।