କାବୁଲ : ଗୁରୁଦ୍ୱାରା ଆକ୍ରମଣ ପଛରେ କେରଳ ଜନ୍ମିତ ଆତଙ୍କବାଦୀର ହାତ ସଂଦେହ
ନୂଆଦିଲ୍ଲୀ : ଦୁଇଦିନ ପୂର୍ବରେ ଆଫଗାନିସ୍ତାନର କାବୁଲରେ ଏକ ଗୁରୁଦ୍ୱାରା ଉପରେ ହୋଇଥିବା ଆତଙ୍କବାଦୀ ଆକ୍ରମଣ ପଛରେ ଜଣେ ଭାରତୀୟ ଥିବା ଗୁଇନ୍ଦା ସଂସ୍ଥାମାନେ ସଂଦେହ କରୁଛନ୍ତି । ଆଫଗାନିସ୍ତାନର ତଦନ୍ତକାରୀ ସଂସ୍ଥା ପକ୍ଷରୁ ମିଳିଥିବା ସୂଚନା ଅନୁସାରେ ଏହି ଆକ୍ରମଣ ପଛରେ କେରଳ ଜନ୍ମିତ ଆଇଏସ ଆତଙ୍କବାଦୀ ଅବୁ ଖାୟୁମ ଓରଫ ଅବୁ ଖାଲିଦର ହାତ ରହିଛି । ଭାରତରେ ହେଉଥିବା ମୁସଲମାନଙ୍କ ଉପରେ ଅତ୍ୟାଚାରର ପ୍ରତିଶୋଧ ନେବାକୁ ସେ ଏପରି କରିଥିବା ସଂଦେହ କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଏକ ଅନଲାଇନ ପୋଷ୍ଟରେ ଆଇଏସର ଜଣେ ସମର୍ଥକ ଏହି ଆକ୍ରମଣ ସମ୍ପର୍କରେ ଲେଖିଛି ଯେ ଭାରତରେ ହେଉଥିବା ମୁସଲମାନଙ୍କ ଉପରେ ଅତ୍ୟାଚାରର ପ୍ରତିଶୋଧ ନେବାକୁ ଏହି ଆକ୍ରମଣ କରାଯାଇଛି ।
ଗତ କିଛି ବର୍ଷ ହେଲା ଭାରତର ତଦନ୍ତକାରୀ ସଂସ୍ଥା (ଏନଆଇଏ) ମଧ୍ୟ ଅବୁ ଖାଲିଦ ଉପରେ ନଜର ରଖିଆସିଛି । ଗତ ବର୍ଷ ଏନଆଇଏ କହିଥିଲା ଯେ ସେ ବିଦେଶରେ ଥିବା କେରଳର ପଲକଡରେ ଥିବା ଜିହାଦୀ ରିୟାଜ ଅବୁବକ୍ରକୁ ଏକ ଆତ୍ମଘାତୀ ଆକ୍ରମଣ ପାଇଁ ବାର୍ତ୍ତା ପଠାଇଥିଲା । କାବୁୁଲର ଶିଖ ଗୁରୁଦ୍ୱାରାରେ ହୋଇଥିବା ଆଇଏସ ଆତଙ୍କବାଦୀ ଆକ୍ରମଣରେ ୨୫ ଜଣ ଶିଖ ନିହତ ହୋଇଥିଲେ ।