ଘରେ ଶୋଇଥିବା ବେଳେ ହଠାତ୍ ରାତି ୩ଟାରେ ଭୁକିବାକୁ ଲାଗିଲା ପାଳିତ କୁକୁର, କାରଣ ଜାଣିବା ପାଇଁ ବାହାରକୁ ଯିବା ପରେ ଘଟିଲା ଏଭଳି ଘଟଣା
ଇଦୁକି: ଅର୍ଦ୍ଧାଧିକ କେରଳ ଏବେ ବର୍ଷା ଓ ବନ୍ୟା ବିତ୍ପାତରେ ଆକ୍ରାନ୍ତ ହେବା ସହ ୩୭ଜଣଙ୍କ ମୃତ୍ୟୁ ହୋଇ ସାରିଲାଣି । ଏଭଳି ପରିସ୍ଥିତିର ଆଶା କରାଯାଉ ନଥିବା ବେଳେ ବର୍ଷାର ଏଭଳି ରୂପ ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଲଗାଣ ବର୍ଷା ପାଇଁ ବିଭିନ୍ନ ଘର ଭାଙ୍ଗି ଯାଉଥିବା ବେଳେ କିଛି ଲୋକଙ୍କୁ ବାସହୀନ ହୋଇ ରାସ୍ତା କଡ଼ରେ ରହିବାକୁ ପଡ଼ୁଥିବା ଦେଖିବାକୁ ମିଳିଛି। ଇଦୁକି ଜିଲ୍ଲାରେ ଲୋକମାନଙ୍କର ଅବସ୍ଥା ସବୁଠାରୁ ଖରାପ ବୋଲି ଜଣା ପଡ଼ିଛି । ଏଭଳି ପରିସ୍ଥିତିରେ କେରଳର ଇଦୁକି ଜିଲ୍ଲାରେ ଥିବା କଞ୍ଜିକୁଝି ଗାଁରେ ଘଟିଛି ଏକ ଆଶ୍ଚର୍ଯ୍ୟ କଲା ଭଳି ଘଟଣା । ଏଠାରେ ଏକ ପାଳିତ କୁକୁର ପାଇଁ ପୂରା ପରିବାରର ଜୀବନ ବଞ୍ଚି ଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଞ୍ଜିକୁଝି ଗାଁରେ ରହୁଥିବା ମୁଦମାନ ପିଙ୍କ ପରିବାର ଘରେ ଶୋଇଥିବା ବେଳେ ହଠାତ୍ ରାତି ୩ଟା ସମୟରେ ତାଙ୍କ ଘରେ ଥିବା ପାଳିତ କୁକୁର ଭୁକିବାକୁ ଲାଗିଥିଲା । ମୁଦମାନ ଉଠିବା ସହ କୁକୁର ଭୁକିବାକୁ ଅଣଦେଖା କରି ପୁଣି ଶୋଇ ପଡ଼ିଥିଲେ । କିଛି ସମୟରେ ପରେ କୁକୁରଟି ପୁଣି ଜୋରରେ ଭୁକିବାକୁ ଲାଗିବାରୁ ମୁଦମାନ ପୂରା ପରିବାର ସହ ବାହାରକୁ ଆସିବା ପରେ ଘର ପାଖରେ ଥିବା ପାହାଡ଼ରୁ ପଥର ମୁଦମାନଙ୍କ ଘର ଉପରେ ପଡ଼ିଥିଲା । ଯେଉଁଥିରେ ତାଙ୍କ ଘର ପୂରା ଭାଙ୍ଗି ଯାଇଥିଲା । ଏହି ଘଟଣା ପରେ ଘରର ପାଳିତ କୁକୁର ଭୁକିବା ପଛର କାରଣ ଜାଣି ପାରିଥିଲେ ମୁଦମାନ ।