ରାଜ୍ୟପାଳଙ୍କ ଆଦେଶକୁ ଅନୁଚିତ କହିଲେ କେରଳ ହାଇକୋର୍ଟ, କୁଳପତିଙ୍କ ଇସ୍ତଫା ଉପରେ ଲଗାଇଲେ ରୋକ

ତିରୁବନନ୍ତପୁରମ: କେରଳର ନଅଟି ବିଶ୍ୱବିଦ୍ୟାଳୟରେ କୁଳପତିଙ୍କ ନିଯୁକ୍ତିକୁ ନେଇ ଏକ ନୂଆ ମୋଡ଼ ଆସିଛି। ସୋମବାର କେରଳ ହାଇକୋର୍ଟ ଆଠଟି ବିଶ୍ୱବିଦ୍ୟାଳୟର କୁଳପତିମାନଙ୍କୁ ନିଜ ନିଜ ପଦବୀରେ କାର୍ଯ୍ୟ ଜାରି ରଖିବାକୁ କହିଛନ୍ତି ଏବଂ ଧାର୍ଯ୍ୟ ପ୍ରକ୍ରିୟା ଅନୁସରଣ କରିବା ପରେ ହିଁ ସେମାନଙ୍କୁ ହଟାଯାଇପାରିବ ବୋଲି କହିଛନ୍ତି । ଜଷ୍ଟିସ୍ ଦେବନ୍ ରାମଚନ୍ଦ୍ରନ୍ ଆଠ ଜଣ କୁଳପତିଙ୍କ ଦ୍ୱାରା ଦାଖଲ ହୋଇଥିବା ଜରୁରୀକାଳୀନ ଆବେଦନ ଶୁଣାଣି କରି କହିଛନ୍ତି ଯେ କୁଳପତିମାନଙ୍କୁ ରାଜ୍ୟପାଳ ଦେଇଥିବା ନିର୍ଦ୍ଦେଶ ଠିକ୍ ନୁହେଁ। ସୂଚନାଯୋଗ୍ୟ, ସୋମବାର ସୁଦ୍ଧା ରାଜ୍ୟପାଳ ଏହି କୁଳପତିମାନଙ୍କୁ ଇସ୍ତଫା ଦେବାକୁ ଚେତାବନୀ ଦେଇଥିଲେ ।

ସ୍ୱତନ୍ତ୍ର ଶୁଣାଣି ସମୟରେ କୋର୍ଟ କହିଛନ୍ତି ଯେ ସେମାନେ ନିଜ ପଦବୀରେ ଜାରି ରଖିବାକୁ ଯୋଗ୍ୟ । କୁଳାଧିପତି କୁଳପତିମାନଙ୍କୁ ଏକ କାରଣଦର୍ଶାଅ ନୋଟିସ୍ ଜାରି କରି ସେମାନଙ୍କୁ ନଭେମ୍ବର ୩ ସୁଦ୍ଧା କାହିଁକି ହଟାଯିବ ନାହିଁ ବୋଲି କହିଥିଲେ | ଏହି ଆଧାରରେ କୋର୍ଟ କହିଛନ୍ତି ଯେ କୁଳପତିଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେବାର କୌଣସି ଗୁରୁତ୍ୱ ନାହିଁ। କେବଳ ନିର୍ଦ୍ଧାରିତ ପ୍ରକ୍ରିୟା ଅନୁସରଣ କରି କୁଳପତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ବୋଲି କୋର୍ଟ କହିଛନ୍ତି।

କୁଳପତିମାନେ କୋର୍ଟଙ୍କୁ କହିଥିଲେ ଯେ ୨୪ ଘଣ୍ଟା ମଧ୍ୟରେ ଇସ୍ତଫା ଦେବା ପାଇଁ ରାଜ୍ୟପାଳଙ୍କ ନିର୍ଦ୍ଦେଶ ସମ୍ପୂର୍ଣ୍ଣ ବେଆଇନ । ସୂଚନା ଥାଉ କି ଯେ ସୂଚନା ଥାଉ କି ସୋମବାର ୧୧.୩୦ ସୁଦ୍ଧା ଇସ୍ତଫା ଦେବା ପାଇଁ ରବିବାର ଦିନ କେରଳର ରାଜ୍ୟପାଳ ଅରିଫ୍‌ ମହମ୍ମଦ୍‌ ଖାଁ ୯ଟି ବିଶ୍ବବିଦ୍ୟାଳୟର କୁଳପତିମାନଙ୍କୁ ଆଦେଶ ଦେଇଥିଲେ। ଆଉ ଏହି ଆଦେଶକୁ ବିରୋଧ କରି କୁଳପତିମାନେ କେରଳ ହାଇକୋର୍ଟରେ ପିଟିସନ ଦାଏର କରିଥିଲେ |