କେରଳରୁ ଗିରଫ ହୋଇଥିବା ଆଇଏସ୍ ସନ୍ଦିଗ୍ଧର ବାପାଙ୍କ ବୟାନ : ଯଦି ମୋ ପୁଅ ଆତଙ୍କବାଦୀ, ତାକୁ ଜେଲ୍ରେ ମରିବାକୁ ଦିଅ
ନୂଆଦିଲ୍ଲୀ : କେରଳରେ ଆତ୍ମଘାତୀ ଆକ୍ରମଣ କରିବାକୁ ଷଡ଼ଯନ୍ତ୍ର କରୁଥିବା ସନ୍ଦେହରେ ଜଣେ ଯୁବକଙ୍କୁ ଗତକାଲି ରାଷ୍ଟ୍ରୀୟ ଯାଞ୍ଚ ଏଜେନ୍ସି ଗିରଫ କରିଥିଲା । ଯୁବକଙ୍କ ନାଁ ରିୟାସ ଅବୁବକର ବୋଲି ଜଣା ପଡ଼ିଥିବା ବେଳେ ପଚରାଉଚରା ସମୟରେ ଯୁବକଜଣଙ୍କ ଶ୍ରୀଲଙ୍କାର ମାଷ୍ଟରମାଇଣ୍ଡ ଜହରାନ୍ ହସିମ୍ ଏବଂ ଜାକିର ନାଇକଙ୍କୁ ଅନୁସରଣ କରୁଥିବା ନେଇ ସ୍ୱିକାର କରିଥିଲା । ଏହା ସହ କେରଳରେ ଆତ୍ମଘାତୀ ଆକ୍ରମଣର ଯୋଜନା ଥିଲା ବୋଲି ରିୟାସ ଯାଞ୍ଚ ଏଜେନ୍ସିକୁ ଜଣାଇଥିଲା । ଜହରାନ୍ ହସିମ୍ ଏବଂ ଜାକିର ନାଇକଙ୍କ ଭାଷଣ ଶୁଣିବା ସହ ତାଙ୍କ ଭିଡିଓକୁ ଅଭିଯୁକ୍ତଜଣଙ୍କ ଅନୁସରଣ କରୁଥିଲା । ଅଭିଯୁକ୍ତଜଣଙ୍କ କେରଳର ପଲାକ୍କଡ ଜିଲ୍ଲାର ବୋଲି ଜଣା ପଡ଼ିଥିବା ବେଳେ ଏବେ ତା’ର ବାପାଙ୍କ ବୟାନ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଯଦି ମୋ ପୁଅ ଆତଙ୍କବାଦୀ ବା ଦେଶଦ୍ରୋହୀ, ତେବେ ତାକୁ ଜେଲ୍ରେ ରହି ମରିବାକୁ ଦିଅ । ଆମେ ତାକୁ ସାହାଯ୍ୟ କରିବୁ ନାହିଁ । ମୁଁ ଜାଣିଥିଲି ସେ ଭୁଲ ବାଟରେ ଯାଉଛି । କିନ୍ତୁ ଇସ୍ଲାମିକ୍ ଷ୍ଟେଟ୍ ସହ ସଂପର୍କ ରଖିଥିବା ନେଇ କୌଣସି ସୂଚନା ମୋ ପାଖରେ ନଥିଲା । ୩ବର୍ଷ ପୂର୍ବରୁ ସେ ନିଜର ଦାଢ଼ି ବଢ଼ାଇବା ସହ ଆରବୀ ପୋଷାକ ପିନ୍ଧିବା ଆରମ୍ଭ କରିଥିଲା । ପରିବାରଠାରୁ ଅଲଗା ରହିବା ସହ ସବୁବେଳେ ଚୁପ୍ ରହୁଥିଲା । ଟିଭି ଦେଖିବା ଛାଡ଼ି ଫୋନରେ ଇସ୍ଲାମର ଭିଡିଓ ଏବଂ ତାଙ୍କୁ ନେଇ ଲେଖାଯାଇଥିବା ଜିନିଷ ପଢ଼ିବା ଆରମ୍ଭ କରିଥିଲା ବୋଲି କହିଛନ୍ତି ରିୟାଜର ବାପା ।