ଭୋଟର ଲିଷ୍ଟରେ ନିଜ ନାଁ ନଥିବା ଦେଖି ଉଡ଼ିଗଲା ମତଦାତାଙ୍କ ପ୍ରାଣବାୟୁ
ତଲିପରମ୍ବା(କେରଳ): ଅପ୍ରେଲ ୨୩ ମଙ୍ଗଳବାର ଭାରତରେ ତୃତୀୟ ପର୍ଯ୍ୟାୟ ମତଦାନ କରାଯାଇଥିବା ବେଳେ ବିଭିନ୍ନ କୋଣରେ ଅନେକ ଅଘଟଣା ଘଟିଥିବାର ଖବର ମିଳିଛି । ଖାସ୍ କରି କେରଳରେ ବିଭିନ୍ନ ମତଦାନ କେନ୍ଦ୍ରରେ ୩ଜଣଙ୍କର ମୃତ୍ୟୁ ଘଟିଛି । କେରଳରେ ଜଣେ ମତଦାତା ମତଦାନ କେନ୍ଦ୍ରକୁ ଯାଇ ଭୋଟର ଲିଷ୍ଟରେ ନିଜ ନାଁ ନଥିବା ଜାଣିବାକୁ ପାଇଥିଲେ । ଯାହା ପରେ ତାଙ୍କର ପ୍ରାଣବାୟୁ ଉଡ଼ି ଯାଇଥିଲା । ତୁରନ୍ତ ଡ଼ାକ୍ତରଖାନା ନିଆ ଯାଇଥିଲେ ମଧ୍ୟ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ, ଜଣେ ବୃଦ୍ଧା ଏବଂ ଜଣେ ବୃଦ୍ଧ ମତଦାନ କରିବା ପାଇଁ ଧାଡ଼ିରେ ଠିଆ ହୋଇଥିବା ସମୟରେ ମୃତ୍ୟୁବରଣ କରିଥିବାର ସୂଚନା ମିଳିଛି । ବିଜୟୀ ନାମକ ୬୫ବର୍ଷୀୟା ବୃଦ୍ଧା କେରଳର ଚୋକ୍ଲି ରାମା ବିଳାସମ୍ ଏଲ୍ପି ସ୍କୁଲ ବାହାରେ ଭୋଟ୍ ଦେବା ପାଇଁ ଧାଡ଼ିରେ ଠିଆ ହୋଇଥିବା ସମୟରେ ଅଚେତ୍ ହୋଇ ତଳେ ପଡ଼ି ଯାଇଥଲେ । ଡ଼ାକ୍ତରଖାନା ନେବା ପରେ ଡ଼ାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ସେଭଳି ଭାବରେ ପଠାନାମଥିଟ୍ଟା ଜିଲ୍ଲାରେ ଜଣେ ୮୦ବର୍ଷୀୟ ବୃଦ୍ଧ ମୃତ୍ୟୁବରଣ କରିଥିବା ଜଣାପଡ଼ିଛି ।