ଜାଣନ୍ତୁ କ’ଣ ପାଇଁ ସାଇକେଲ ଚଳାଉଥିବା ଏହି ଯୁବକଙ୍କ ଚାଲାଣ କାଟିଲା ପୁଲିସ?
କୋଚି : କେରଳରେ ଘଟିଥିବା ଘଟଣା ବିଷୟରେ ଆପଣମାନେ ଜାଣିବା ପରେ ଆଶ୍ଚର୍ଯ୍ୟ ହେବା ସହ ଘଟଣାଟି ଆପଣଙ୍କୁ ଅଜବ ଲାଗିବ ନିଶ୍ଚୟ । ଜଣେ ସାଇକେଲ ଚାଳକ ହେଲ୍ମେଟ୍ ନ ପିନ୍ଧିଥିବାରୁ କେରଳ ପୁଲିସ ଚାଲାଣ କାଟିବା ଖବରକୁ ନେଇ ଏବେ ଚାରି ଆଡ଼େ ଚର୍ଚ୍ଚା ହେଉଥିବା ବେଳେ ଖବରଟି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବିନା ହେଲ୍ମେଟ୍ରେ ଦ୍ରୁତ ଗତିରେ ସାଇକେଲ ଚଳାଉଥିବାରୁ ଯୁବକଙ୍କୁ ଜରିମାନା ଆକାରରେ ୫୦୦ଟଙ୍କା ଜରିମାନା ଦେବାକୁ ପଡ଼ିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ଉତ୍ତରପ୍ରଦେଶରେ ରହୁଥିବା କାସିମକୁ କେରଳ ପୁଲିସ ଅଟକାଇବା ସହ ଦ୍ରୁତ ଗତିରେ ସାଇକେଲ ଚଳାଉଥିବାରୁ ୨୦୦୦ଟଙ୍କା ଜରିମାନା ଲଗାଇଥିଲା । କିନ୍ତୁ ପ୍ରତିଦିନର ରୋଜଗାର ୪୦୦ଟଙ୍କା ବୋଲି କାସିମ କେରଳ ପୁଲିସକୁ କହିବାରୁ ୫୦୦ଟଙ୍କା ଜରିମାନା ଦେବା ପାଇଁ କହିଥିଲା ପୁଲିସ । ୫୦୦ଟଙ୍କା ଜରିମାନା ଦେବା ପୂର୍ବରୁ ପୁଲିସକର୍ମୀ କାସିମ୍ଙ୍କ ସାଇକେଲ ଟାୟାରରୁୁ ପବନ ବାହାର କରି ଦେଇଥିବା କହିଛନ୍ତି କାସିମ ।