ଡ଼ାକ୍ତରଙ୍କ ଦାୟିତ୍ୱହୀନତା : ସ୍ତନ କର୍କଟ ନ ଥାଇ ମଧ୍ୟ କରି ଚାଲିଥିଲେ କେମୋଥେରାପି
ନୂଆଦିଲ୍ଲୀ : ଡ଼ାକ୍ତରଙ୍କୁ ଲୋକେ ଦ୍ୱିତୀୟ ଭଗବାନ ବୋଲି ମାନିଥାନ୍ତି । ବିଭିନ୍ନ ରୋଗକୁ ଭଲ କରିବାର ଶକ୍ତି ଡ଼ାକ୍ତରମାନଙ୍କ ପାଖରେ ଥିବା ବେଳେ କେରଳର କୋଟ୍ଟୟମରେ ଘଟିଥିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଡ଼ାକ୍ତରଙ୍କ ଭୁଲ ସୂଚନା ପାଇଁ ଜଣେ ମହିଳା ଅଯଥା ଖର୍ଚ୍ଚାନ୍ତ ହେବା ସହ ନିଜ ମୁଣ୍ଡର କେଶ ହରାଇଥିବା ଜଣା ପଡ଼ିଛି । ଡ଼ାକ୍ତରଜଣଙ୍କ ମହିଳାଙ୍କର ସ୍ତନ କର୍କଟ ରୋଗ ହୋଇଛି ବୋଲି କହିବା ସହ ତାଙ୍କର କେମୋଥେରାପି କରାଇଥିଲେ । କିନ୍ତୁ ପରେ ମହିଳା ସଂପୂର୍ଣ୍ଣ ସୁସ୍ଥ ବୋଲି ଜଣା ପଡ଼ିଥିଲାା କୋଟ୍ଟୟମର ସରକାରୀ ଡ଼ାକ୍ତରଖାନାରେ ଏଭଳି ଘଟଣା ଘଟିଥିବା ଜଣା ପଡ଼ିଛି । ପୀଡ଼ିତାଙ୍କ ନାଁ ରଜନୀ ହୋଇଥିବା ବେଳେ ସେ ଏକାକୀ ଘର ଚଳାଉଥିଲେ । କିନ୍ତୁ କେମୋଥେରାପି ପାଇଁ ତାଙ୍କ ଶରୀର ଦୁର୍ବଳ ହୋଇ ଯାଇଥିବାରୁ ସେ ଏବେ ବାହାରକୁ ଯାଇ ପାରୁ ନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତାଙ୍କ ସ୍ତନ ବଧିର ହେବା ଭଳି ଲାଗିବାରୁ ସେ ଡ଼ାକ୍ତରଖାନାରେ ପହଞ୍ଚିଥିଲେ । ଏହା ପରେ ତାଙ୍କ ପରୀକ୍ଷା କରାଯିବା ପରେ କର୍କଟ ରୋଗ ହୋଇଥିବା ସାମ୍ନାକୁ ଆସିଥିଲା । ରିପୋର୍ଟ ଆସିବା ପରେ ଡ଼ାକ୍ତର କେମୋଥେରାପି ଦେବା ଆରମ୍ଭ କରିଥିଲେ । ପ୍ରଥମ କେମୋଥେରାପି ପରେ ମହିଳା ଦ୍ୱିତୀୟ ଥର ଯାଞ୍ଚ କରାଇବାରୁ ତାଙ୍କୁ କର୍କଟ ରୋଗ ହୋଇ ନଥିବା ସାମ୍ନାକୁ ଆସିଥିଲା । ରିପୋର୍ଟ ନେଇ ଡ଼ାକ୍ତରଙ୍କୁ ଦେଖାଇବା ପରେ ଡ଼ାକ୍ତର କେମୋଥେରାପି ବନ୍ଦ କରି ଦେଇଥିଲେ । କିନ୍ତୁ ପ୍ରଥମ କେମୋଥେରାପି ପାଇଁ ରଜନୀଙ୍କ କେଶ ସବୁ ଝଡ଼ିଯିବା ସହ ସେ ଦୁର୍ବଳ ହୋଇ ଯାଇଥିଲେ । ଏହି ମାମଲାଟି ସାମ୍ନାକୁ ଆସିବା ପରେ ଏବେ କେରଳର ସ୍ୱାସ୍ଥ୍ୟମନ୍ତ୍ରୀ ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦେଇଛନ୍ତି ।