ଥରୁର, ଖଡଗେଙ୍କ ପରି ଲୋକ ଅନ୍ୟ କାହାଦ୍ବାରା ନିୟନ୍ତ୍ରିତ ହେବେନାହିଁ : ରାହୁଲ
ନୂଆଦିଲ୍ଲୀ : କଂଗ୍ରେସ ସଭାପତି ନିର୍ବାଚନ ଉପରେ ନିଜର ବୟାନ ରଖିଛନ୍ତି ରାହୁଲ ଗାନ୍ଧି । ସେ ଶନିବାର କହିଛନ୍ତି ଯେ ଦଳର ସଭାପତି ପଦ ପାଇଁ ପ୍ରତିଦ୍ବନ୍ଦିତା କରୁଥିବା ମଲ୍ଲିକାର୍ଜୁନ ଖଡଗେ ଏବଂ ଶଶି ଥରୁର, ହେଉଛନ୍ତି ଉଚ୍ଚ ଆଦର୍ଶ ରଖିଥିବା ଲୋକ । ସେମାନଙ୍କର ନିଜସ୍ବ ଗାରିମା ଓ ବ୍ୟକ୍ତିତ୍ବ ରହିଛି, ସେମାନଙ୍କୁ ବାହାରୁ ନିୟନ୍ତ୍ରଣ କରିହେବ ନାହିଁ । ଏପରି ଆରୋପ ସେମାନଙ୍କ ବ୍ୟକ୍ତିତ୍ବ ପ୍ରତି ଅବମାନନା ସୃଷ୍ଟି କରୁଛି ।
Sambad is now on WhatsApp
Join and get latest news updates delivered to you via WhatsApp
ଭାରତ ଯୋଡା ଯାତ୍ରା କରୁଥିବା ରାହୁଲ କର୍ଣ୍ଣାଟକରେ ଏକ ସାମ୍ବାଦିକ ସମ୍ମିଳନୀରେ ଏକ ପ୍ରଶ୍ନର ଉତ୍ତର ଦେଇ କହିଥିଲେ ଯେ ପରବର୍ତ୍ତୀ କଂଗ୍ରେସ ସଭାପତି ସ୍ବାଧୀନଭାବେ କାମ କରିବେ ।
ସେ କହିଥିଲେ ଯେ, ଭାରତ ଯୋଡୋ ଯାତ୍ରାର ଉଦ୍ଦେଶ୍ୟ ହେଉଛି ଭାରତୀୟଙ୍କୁ ଏକାଠି କରିବା, ଏହାର ଉଦେଶ୍ୟ ୨୦୨୪ ନିର୍ବାଚନ ନୁହେଁ । କିନ୍ତୁ ଏହି ଯାତ୍ରା ସଂପର୍କରେ ଆରଏସଏସ ଓ ବିଜେପି ପକ୍ଷରୁ ଘୃଣା ଓ ଗୁଜବର ପ୍ରସାର କରାଯାଉଛି । ଦେଶର ସ୍ବାଧୀନତା ସଂଗ୍ରାମରେ ଆରଏସଏସର କୌଣସି ଭୂମିକା ନଥିଲା, ବରଂ ଏହି ସଂଗଠନ ବ୍ରିଟିଶ ସରକାରଙ୍କୁ ସମର୍ଥନ କରୁଥିଲା । ସଭରକର ବ୍ରିଟିଶ ସରକାରଙ୍କଠାରୁ ପେନସନ ପାଉଥିଲେ ।
ଆସନ୍ତା ଅକ୍ଟୋବର ୧୭ ରେ କଂଗ୍ରେସ ସଭାପତି ପଦ ପାଇଁ ଭୋଟ ଗ୍ରହଣ ହେବାର କାର୍ଯ୍ୟକ୍ରମ ରହିଛି ।