ଝିଅର ସ୍କୁଲ ଫି ପାଇଁ ବାପା ସାଜିଲା ହତ୍ୟାକାରୀ

ପଟନା : ବିହାରର ରାଜଧାନୀ ପାଟନାରେ ପ୍ରସିଦ୍ଧ ବ୍ୟବସାୟୀ ଗୋପାଳ ଖେମକାଙ୍କୁ ହତ୍ୟା ଘଟଣାରେ ୫ ଜଣଙ୍କୁ ଗିରଫ କରିଥିବା ସୂଚନା ଦେଇଛି ପୁଲିସ। ଖେମକାଙ୍କୁ ଅଶୋକ ସାବ ନାମକ ଜଣେ ବ୍ୟକ୍ତି ସୁପାରି ଦେଇ ହତ୍ୟା କରାଇଥିଲେ। କୁହାଯାଉଛି ଯେ ଗୋପାଳ ଖେମକା ଏବଂ ଅଶୋକ ରାଓଙ୍କ ମଧ୍ୟରେ ଜମିକୁ ନେଇ ବିବାଦ ଥିଲା, ଯାହା ଯୋଗୁଁ ସେ ଏକ ସୁପାରି ଦେଇ ଖେମକାଙ୍କୁ ହତ୍ୟା କରିଥିଲେ। ଏହି ହତ୍ୟା ମାମଲାରେ ପୁଲିସ ଗୁଳି ଚଳାଇଥିବା ସାର୍ପ ସୁଟର ଉମେଶ ଯାଦବକୁ ଗିରଫ କରିଛି। ତା ବିଷୟରେ ତଦନ୍ତ କରିବା ସମୟରେ ପୁଲିସକୁ ଏକ ଆଶ୍ଚର୍ଯ୍ୟଜନକ ସୂଚନା ମିଳିଛି। 

ବିହାର ଡିଜିପି ବିନୟ କୁମାର ୮ ଜୁଲାଇରେ ଏକ ସାମ୍ବାଦିକ ସମ୍ମିଳନୀରେ ଏହି ହତ୍ୟାକାଣ୍ଡ ସହିତ ଜଡିତ ଅନେକ ପ୍ରଶ୍ନ ଉପରୁ ପରଦା ଉଠାଇଥିଲେ। ପୁଲିସ କହିଛି ଯେ ଅଶୋକ ସାବ ଉମେଶ ଯାଦବଙ୍କୁ ୪ ଲକ୍ଷ ଟଙ୍କାର ଚୁକ୍ତିନାମା ଦେଇଥିଲେ। ଉମେଶ ୪୦ ହଜାର ଟଙ୍କା ଅଗ୍ରିମ ନେଇଥିଲା। ଯେତେବେଳେ ଘଟଣାର ତଦନ୍ତ କରାଯାଇଥିଲା, ଜଣାପଡିଥିଲା ଯେ ଉମେଶ ଝିଅର ସ୍କୁଲ ଫି ବହୁ ଦିନ ଧରି ଦିଆଯାଇ ନଥିଲା। ଯାହା ଦ୍ୱାରା ଉମେଶ ବହୁତ ଦୁଃଖିତ ଥିଲା । ୪୦ ହଜାର ଅଗ୍ରୀମ ପାଇବା ପରେ ସେ ନିଜ ଝିଅର ସ୍କୁଲ ଫି ଦେଇଥିଲା । ଏହା ପରେ ସେ ହତ୍ୟାକାଣ୍ଡ ଘଟାଇଥିଲା ।