ଘର ଚଳାଇବାକୁ ଅସୁବିଧା ହେଉଥିବାରୁ କିଡନୀ ବିକ୍ରି କରିବାକୁ ଫେସବୁକରେ ପୋଷ୍ଟ କଲେ ବସ କଣ୍ଡକ୍ଟର
ବାଙ୍ଗାଲୋର: ସ୍ୱଳ୍ପ ଦରମାରେ ପରିବାର ଚଳାଇବାକୁ ଅସୁବିଧା ହେଉଥିବାରୁ କିଡ଼ନୀ ବିକ୍ରି କରିବାକୁ ବିଜ୍ଞାପନ ଦେଲେ ବସ କଣ୍ଡକ୍ଟର | କର୍ଣ୍ଣାଟକ ସରକାରୀ ପରିବହନ କମ୍ପାନୀରେ ବସ୍ କଣ୍ଡକ୍ଟର ଭାବରେ କାର୍ଯ୍ୟ କରୁଥିବା ଜଣେ ବ୍ୟକ୍ତି ସୋସିଆଲ ମିଡିଆରେ କିଡନୀ ବିକ୍ରି କରିବାକୁ ପୋଷ୍ଟ ସେୟାର କରିଛନ୍ତି। ୩୮ ବର୍ଷୀୟ ବସ୍ କଣ୍ଡକ୍ଟର କହିଛନ୍ତି ଯେ ଦରମା କାଟ ଯୋଗୁଁ ଦୈନିକ ଖର୍ଚ୍ଚ ପୂରଣ ହେଉନାହିଁ, ଯେଉଁଥିପାଇଁ ମୁଁ ମୋର କିଡନୀ ବିକ୍ରି କରିବାକୁ ପ୍ରସ୍ତୁତ ଅଛି |
Sambad is now on WhatsApp
Join and get latest news updates delivered to you via WhatsApp
ମହାମାରୀ ଯୋଗୁଁ ଆର୍ଥିକ ଅବସ୍ଥା ବିଗିଡି ଯାଇଥିବା ବସ୍ କଣ୍ଡକ୍ଟର ହନୁମନ୍ତ କାଲେଗର କହିଛନ୍ତି । ହନୁମନ୍ତ କାଲେଗର କର୍ଣ୍ଣାଟକ ସଡକ ପରିବହନ ନିଗମର ଗଙ୍ଗାବତୀ ଡିପୋରେ ବସ୍ କଣ୍ଡକ୍ଟର ଭାବରେ କାର୍ଯ୍ୟ କରନ୍ତି | ଫେସବୁକରେ ପୋଷ୍ଟ କରି କଣ୍ଡକ୍ଟର ଜଣକ ଲେଖିଛନ୍ତି ଯେ,’ମୁଁ ଜଣେ ପରିବହନ କର୍ମଚାରୀ, ମୋର ଘର ଭଡା ଏବଂ ରାସନ ଖର୍ଚ୍ଚ କରିବାକୁ ଟଙ୍କା ନାହିଁ, ତେଣୁ ମୁଁ ମୋର କିଡନୀ ବିକ୍ରି କରିବାକୁ ପ୍ରସ୍ତୁତ। ଘର ଭଡା, ପିଲାଙ୍କ ଶିକ୍ଷା ଏବଂ ପିତାମାତାଙ୍କ ଔଷଧ ଖର୍ଚ୍ଚର ଭାର ସମ୍ଭାଳିବାକୁ ପଡୁଛି |
ତେଣୁ କିଡନୀ ବିକ୍ରି କରିଦେଲେ କିଛି ଟଙ୍କା ମିଳିପାରିବ | ଉତ୍ତର ପୂର୍ବ କର୍ଣ୍ଣାଟକ ସଡକ ପରିବହନ ନିଗମ କୋପଲର ଡିଭିଜନାଲ କଣ୍ଟ୍ରୋଲର ଏସ.ଏ ମୁଲା କହିଛନ୍ତି ଯେ ବସ୍ ଡ୍ରାଇଭର ଜଣକ ଅନିୟମିତ ଭାବେ ଆସୁଥିବାରୁ ତାଙ୍କ ଦରମା କଟାଯାଇଥିଲା।