କ୍ରୁଜରେ ଡ୍ରଗ୍ସ ପାର୍ଟି ଚାଲିଥିବା ବେଳେ ଚଢ଼ାଉ କରିଥିଲେ ଏହି ଏନସିବି ଅଫିସର, ଜାଣନ୍ତୁ ସେମାନଙ୍କ ଇତିହାସ

ଆଶିଷ ରାଜନ ପ୍ରସାଦ, ଇଣ୍ଟେଲିଜେନ୍ସ ଅଫିସର

ଡ୍ରଗ୍ସ ପାର୍ଟି ଉପରେ ହୋଇଥିବା ଚଢାଉରେ ସାମିଲ ଥିବା ଆଉ ଜଣେ ଅଫିସର ହେଉଛନ୍ତି ଆଶିଷ ରାଜନ ପ୍ରସାଦ । ସେ ଏବେ ଏନସିବିରେ ଇଣ୍ଟେଲିଜେନ୍ସ ଅଫିସର ଅଛନ୍ତି । ତେବେ ଅକ୍ଟୋବର ୨ ତାରିଖରେ ସେ ନିଜେ ଏହି କ୍ରୁଜରେ ଯାତ୍ରୀ ହୋଇ ଡ୍ରଗ୍ ପାର୍ଟିରେ ସାମିଲ ହୋଇଥିଲେ ଏବଂ ଅଭିଯୁକ୍ତଙ୍କୁ ଗିରଫ କରିଥିଲେ। ଏହାପୂର୍ବରୁ ଆଶିଷ ସିଆଇଏସଏଫରେ ସ୍ପେଶାଲ୍ ଇଣ୍ଟେଲିଜେନ୍ସ ୟୁନିଟରେ କାମ କରୁଥିଲେ । ୨୦୧୭ରୁ ସେ ଏନସିବିରେ ସାମିଲ ହୋଇଛନ୍ତି ।

ସମୀର ୱାଙ୍ଖଡେ, ଜୋନାଲ ଡାଇରେକ୍ଟର, ମୁମ୍ବାଇ ଏନସିବି

ଏନସିବିର ଜୋନାଲ ଡାଇରେକ୍ଟର ସମୀର ୱାଙ୍ଖଡେ ଗତ ଏକ ବର୍ଷ ଭିତରେ ଏପରି ଅନେକ ଚଢାଉ କରିସାରିଲେଣି । ବଲିଉଡରେ ଡ୍ରଗ୍ସ ଲିଙ୍କ୍ ମାମଲାରେ ସେ ଦାଉଦ୍ ଇବ୍ରାହିମ୍ ଗ୍ୟାଙ୍ଗର ବହୁ ସଦସ୍ୟଙ୍କୁ ମଧ୍ୟ ଗିରଫ କରିଛନ୍ତି । ଖାଲି ସେତିକି ନୁହେଁ, ସାରା ଅଲ୍ଲୀ ଖାନ ଓ ଶ୍ରଦ୍ଧା କପୁରଙ୍କୁ ମଧ୍ୟ ଏହି ଅଫିସର ଡ୍ରଗ୍ସ ଲିଙ୍କ୍ ନେଇ ପଚରାଉଚୁରା କରିଥିଲେ । ଆଉ ଏବେ ଶାହାରୁଖଙ୍କ ପୁଅକୁ ଗିରଫ କରି ସେ ଚର୍ଚ୍ଚାରେ ଅଛନ୍ତି । ଏହା ପୂର୍ବରୁ ସମୀର ରାଜସ୍ୱ ବିଭାଗରେ ଚାକିରି କରିଥିଲେ। ପରେ ସେ ମୁମ୍ବାଇ ଏନସିବି ସହ ଯୋଡି ହୋଇଛନ୍ତି ।