ସ୍ତନ୍ୟପାନ କରାଉଥିବା ମହିଳା କରୋନା ଟିକା ନେଇପାରିବେ : ସ୍ବାସ୍ଥ୍ୟ ମନ୍ତ୍ରାଳୟ
ନୂଆଦିଲ୍ଲୀ : ସ୍ତନ୍ୟପାନ କରାଉଥିବା ମହିଳା କରୋନା ଟିକା ନେଇପାରିବେ । ଏ ନେଇ ଆଶଙ୍କାର କୌଣସି କାରଣ ନାହିଁ ବୋଲି ଆଜି ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ସ୍ପଷ୍ଟ କରିଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ବାସ୍ଥ୍ୟ ମନ୍ତ୍ରାଳୟର ସାମ୍ବାଦିକ ସମ୍ମିଳନୀରେ ନିତି ଆୟୋଗ ସଦସ୍ୟ ଡ. ଭି.କେ. ପଲ କହିଛନ୍ତି ଯେ ସ୍ତନପାନ କରାଉଥିବା ମହିଳା ନିଶ୍ଚିତ ଭାବରେ କରୋନା ଟିକା ନେଇପାରିବେ । ଏ ନେଇ କରାଯାଉଥିବା ଆଶଙ୍କା ଅମୂଳକ । ଭାରତରେ ଉପଲବ୍ଧ କୋଭାକ୍ସିନ, କୋଭିସିଲଡ, ସ୍ପୁଟନିକ ଓ ଆଗକୁ ଆସିବାକୁ ଥିବା ମାଡର୍ଣ୍ଣା ଟିକା ଏପରି ମହିଳାଙ୍କ ପାଇଁ ସୁରକ୍ଷିତ । ଅନ୍ୟପକ୍ଷରେ ଟିକା ନେବା ପରେ ପୁରୁଷମାନେ ନପୁଂସକ ହୋଇଯାଉଥିବା ଖବର ଏକ ଗୁଜବ ବୋଲି ସେ କହିଛନ୍ତି ।
ଏହି ଅବସରରେ ସେ ଘୋଷଣା କରିଛନ୍ତି ଯେ ଭାରତର ଔଷଧ ନିୟାମକ ଡିସିଜିଆଇ ପକ୍ଷରୁ ମଡର୍ଣ୍ଣାର କରୋନା ଟିକାକୁ ଜରୁରୀକାଳୀନ ବ୍ୟବହାର ଅନୁମତି ଦିଆଯାଇଛି । ଏହା ଛଡ଼ା ଫାଇଜ ଟିକା ପାଇଁ ଉକ୍ତ କମ୍ପାନି ସହ ବିଭିନ୍ନ ପର୍ଯ୍ୟାୟରେ ଆଲୋଚନା ହୋଇଛି ଓ ଖୁବଶୀଘ୍ର ଫାଇଜର ଏ ସମ୍ପର୍କରେ ନିଷ୍ପତ୍ତି ନେବ । ଏହି ଦୁଇ ଟିକା ଆସିବା ପରେ ଦେଶରେ ଟିକା ଉପଲବ୍ଧତା ବଢିବ ବୋଲି ସେ କହିଛନ୍ତି ।