ମୁଁ ଓ ନୀତୀଶ କୁମାର ଖୁବଶୀଘ୍ର ସୋନିଆଙ୍କୁ ଭେଟିବୁ: ଲାଲୁ
ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବେ ବିହାର ଗସ୍ତରେ ଅଛନ୍ତି। ଏହି ସମୟରେ ସେ ବିହାରରେ ମହାଗଠବନ୍ଧନ ସରକାର ଏବଂ ଲାଲୁ ଯାଦବଙ୍କୁ କଡା ଟାର୍ଗେଟ କରୁଛନ୍ତି | ତେବେ ଅମିତ ଶାହାଙ୍କ ବିହାର ଗସ୍ତକୁ ନେଇ ଏବେ ଆରଜେଡି ସୁପ୍ରିମୋ ଲାଲୁ ଯାଦବ କହିଛନ୍ତି ଯେ ସେ ଏବଂ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଖୁବ ଶୀଘ୍ର ସୋନିଆ ଗାନ୍ଧୀଙ୍କୁ ଭେଟିବେ। ସେ କହିଛନ୍ତି ଯେ ବିହାରରେ ସରକାର ଭାଙ୍ଗିଯିବାରୁ ଶାହା ରାଗିଛନ୍ତି। ଲାଲୁ ଯାଦବ ଆହୁରି କହିଛନ୍ତି ଯେ ତାଙ୍କ ସରକାର ବିହାରରୁ ସଫା ହୋଇଯାଇଥିବାରୁ ଅମିତ ଶାହା ମନଦୁଃଖରେ ଅଛନ୍ତି | ୨୦୨୪ ରେ ମଧ୍ୟ ସମାନ ଘଟଣା ଘଟିବ | ସେଥିପାଇଁ ସେ ସବୁଆଡେ(ବିହାର) ଦୌଡୁଛନ୍ତି ଏବଂ “ଜଙ୍ଗଲ ରାଜ” ଚାଲିଥିବାର କହୁଛନ୍ତି |
Sambad is now on WhatsApp
Join and get latest news updates delivered to you via WhatsApp
ଗୁଜୁରାଟରେ ଥିବାବେଳେ ସେ କ’ଣ କରୁଥିଲେ? ଯେତେବେଳେ ବିଜେପି ସେଠାରେ ଥିଲା, ସେଠାରେ ବି ଜଙ୍ଗଲ ରାଜ୍ ଚାଲିଥିଲା। ୨୦୨୪ରେ ହେବାକୁ ଥିବା ନିର୍ବାଚନ ବିଷୟରେ ଲାଲୁଙ୍କୁ ପଚରାଯାଇଥିବା ଏକ ପ୍ରଶ୍ନରେ ସେ କହିଛନ୍ତି ଯେ, ‘ଆମେ ୨୦୨୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କ୍ଷମତାରୁ ହଟାଇଦେବୁ | ସେ ଆହୁରି କହିଛନ୍ତି ଯେ ଏହି ଗୋଟିଏ କଥା ତାଙ୍କୁ କେତେଥର କହିବାକୁ ପଡିବ |
ବାସ୍ତବରେ ଗତକାଲି ଅମିତ ଶାହା ବିହାରରେ ଏକ ରାଲିରେ ଲାଲୁ ଯାଦବଙ୍କ ସମ୍ପର୍କରେ ଏକ ବୟାନ ଦେଇଥିଲେ। ଏଥିରେ ସେ କହିଥିଲେ ଯେ ବିଜେପିକୁ ବିଶ୍ୱାସଘାତକତା କରି ନୀତୀଶ କୁମାର ନିଜ ସ୍ୱାର୍ଥ ପାଇଁ ଲାଲୁଙ୍କ କୋଳରେ ବସିଛନ୍ତି। ଏହା ସହିତ ସେ ଏହା ମଧ୍ୟ କହିଥିଲେ ଯେ ତାଙ୍କର ବିହାର ଗସ୍ତ ଯୋଗୁଁ ଲାଲୁ-ନୀତୀଶଙ୍କ ପେଟରେ ଯନ୍ତ୍ରଣା ହେଉଛି | ଏହି ସମୟରେ ଅମିତ ଶାହା ବିହାରର ଆଇନ ଶୃଙ୍ଖଳା ପରିସ୍ଥିତି ଉପରେ ମଧ୍ୟ ପ୍ରଶ୍ନ ଉଠାଇଥିଲେ।