ନୂଆଦିଲ୍ଲୀ : ଭାରତୀୟ ବାୟୁସେନା ବିରୋଧରେ ଗତ ୧୨ ବର୍ଷ ଧରି ଏକ ଆଇନଗତ ଲଢେଇ ଲଢୁଥିବା ୩୨ ଜଣ ମହିଳାଙ୍କ ବିଜୟ ହୋଇଛି । ନିଜର ସର୍ଟ ସର୍ଭିସ କମିସନ ମିଆଦ ପରେ ବି ସ୍ଥାୟୀ କମିସନ ପାଇଁ ଲଢୁଥିବା ଏହି ମହିଳାମାନଙ୍କୁ ପେନସନ ପ୍ରଦାନ ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
୨୦ ବର୍ଷ ପାଇଁ ବାୟୁସେନାରେ ଚାକିରି କରି ଅବସର ନେଇଥିବା ଜଣେ ସେନା କର୍ମଚାରୀଙ୍କ ପେନସନ ସହିତ ସମାନ ପେନସନ ରାଶି ସେମାନଙ୍କୁ ପ୍ରଦାନ କରାଯିବ ।
ବାୟୁସେନାର ଏହି ମହିଳା ଅଧିକାରୀଙ୍କୁ ସେମାନଙ୍କର ଆଇନଗତ ଯୁଦ୍ଧରେ ଜିତିବା ପୂର୍ବରୁ ମଧ୍ୟ ଅବସର ନେବାକୁ ପଡିଥିଲା ।
ଏହି ମହିଳା ଅଧିକାରୀମାନଙ୍କ ମଧ୍ୟରୁ ତିନି ଜଣ ବିଧବା ଅଛନ୍ତି, ଯେଉଁମାନଙ୍କ ସ୍ବାମୀମାନେ ଦେଶପାଇଁ ବଳୀଦାନ ଦେଇଥିଲେ । ବାୟୁସେନା ପକ୍ଷରୁ ସେମାନଙ୍କୁ ଅନୁକମ୍ପାମୂଳକ ଚାକିରି ଦିଆଯାଇଥିଲା ।
ବବିତା ପୁନିଆ ମାମଲାରେ ସୁପ୍ରିମ୍ କୋର୍ଟଙ୍କ ୨୦୨୦ ରାୟକୁ ଭିତ୍ତିକରି ଏହି ନିର୍ଦ୍ଦେଶ ଦିଆଯାଇଛି । ସୁପ୍ରିମକୋର୍ଟଙ୍କ ଉକ୍ତ ରାୟ ଅନୁସାରେ ସଶସ୍ତ୍ର ବାହିନୀରେ ମହିଳାମାନଙ୍କ ପାଇଁ ନିଯୁକ୍ତି ଏବଂ ନିଯୁକ୍ତି ଅଭ୍ୟାସ ଭେଦଭାବପୂର୍ଣ୍ଣ ରହିଆସିଛି ଏବଂ ସେମାନଙ୍କୁ ସେମାନଙ୍କ ନ୍ୟାର୍ଯ୍ୟ ପଦବୀରୁ ବଞ୍ଚିତ ରଖାଯାଇଛି ।
ଏହି ସୁପ୍ରିମକୋର୍ଟଙ୍କ ଆଦେଶ ସଶସ୍ତ୍ର ବାହିନୀରେ ମହିଳା ଅଧିକାରୀଙ୍କ ପ୍ରବେଶ ପାଇଁ ପଥ ପରିଷ୍କାର କରିଥିଲା । ଏବେ ସେମାନେ ତିନିସେନାରେ ପୂର୍ଣ୍ଣକାଳ ପାଇଁ ନିଯୁକ୍ତ ହୋଇପାରିବେ ।