କାନ୍ଦାହାର ମସଜିଦରେ ବୋମା ବିସ୍ଫୋରଣ, ୧୬ ମୃତ
କାନ୍ଦାହାର : ଆଫଗାନିସ୍ତାନରେ ତାଲିବାନର ଶାସନ ଫେରିବା ପରେ ସଂଖ୍ୟାଲଘୁ ସିହା, ଅହମଦିଆ ଆଦିଙ୍କ ଉପରେ ଅତ୍ୟାଚାର ବଢିଚାଲିଛି । ଆଜି କାନ୍ଦାହାରରେ ସିହା ସଂପ୍ରଦାୟର ଏକ ମସଜିଦଉପରେ ଆତ୍ମଘାତୀ ବୋମା ବିସ୍ଫୋରଣ କରାଯାଇଛି । ଏଥିରେ ଏପର୍ଯ୍ୟନ୍ତ ୧୬ ଜଣ ମୃତ୍ୟୁବରଣ କରିଥିବାବେଳେ ୪୦ରୁ ଅଧିକ ଆହତ ହୋଇଛନ୍ତି । କିନ୍ତୁ ମୃତ୍ୟୁ ସଂଖ୍ୟା ଆହୁରି ବଢିବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ କାନ୍ଦାହାରର ଇମାମ ବରଗା ମସଜିଦରେ ଆଜି ଶୁକ୍ରବାର ନମାଜ ପଢିବା ପାଇଁ ବେଶ ଗହଳି ଥିଲା । ଏହି ସମୟରେ ସେଠାରେ ବୋମା ବିସ୍ଫୋରଣ ହୋଇଥିଲା । ଏହି ବିସ୍ଫୋରଣ ଫଳରେ ଅନେକ ଲୋକ ମୃତାହତ ହୋଇଥିବା ଆଶଙ୍କା କରାଯାଉଛି ବୋଲି ତାଲିବାନ ଆଭ୍ୟନ୍ତରୀଣ ମନ୍ତ୍ରାଳୟର ମୁଖପାତ୍ର କାରି ସଇଦ୍ ଖୋସତି ସୂଚନା ଦେଇଛନ୍ତି । ଏପର୍ଯ୍ୟନ୍ତ କୌଣସି ସଂଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରିନାହାନ୍ତି ।
ଗତ ଶୁକ୍ରବାର ମଧ୍ୟ ଆଫଗାନିସ୍ତାନର ସିହା ଲୋକଙ୍କ ଉପରେ ଆକ୍ରମଣ ହୋଇଥିଲା । କୁନ୍ଦୁଜର ଏକ ସିହା ମସଜିଦରେ ବୋମା ବିସ୍ଫୋରଣ ହେବାରୁ ଅତି କମରେ ୫୦ ଜଣ ମୃତ୍ୟୁବରଣ କରିଥିବାବେଳେ ୧୫୦ରୁ ଅଧିକ ଆହତ ହୋଇଥିଲେ । ଏହି ଆକ୍ରମଣ ପରେ ସଂଖ୍ୟାଲଘୁଙ୍କ ଧର୍ମସ୍ଥଳୀର ସୁରକ୍ଷା ପାଇଁ ତାଲିବାନ ପକ୍ଷରୁ ଆଶ୍ବାସନା ଦିଆଯାଇଥିଲା ।