ନୂଆଦିଲ୍ଲୀ: ସୁପ୍ରିମକୋର୍ଟ ଅବସରପ୍ରାପ୍ତ ବିଚାରପତି ଜେ.ଚେଲମେଶ୍ୱର ଅବସର ଗ୍ରହଣ କରିବାର କିଛି ଦିନ ପରେ ଗଣମାଧ୍ୟମକୁ ଦେଇଥିବା ବିବାଦୀୟ ମନ୍ତବ୍ୟକୁ ଆଜି ବାର୍ କାଉନସିଲ ଅଫ ଇଣ୍ଡିଆ(ବିସିଆଇ) ତୀବ୍ର ବିରୋଧ କରିଛି। ଜଷ୍ଟିସ୍ ଚେଲମେଶ୍ୱର ଗଣମାଧ୍ୟମରେ ଯେଉଁସବୁ ବିବାଦୀୟ ଓ ଅପ୍ରାସଙ୍ଗିକ ବିବୃତି ଦେଇଛନ୍ତି ତାହା ନିନ୍ଦନୀୟ ଓ ଆଇନଜୀବୀ ଏହାକୁ ବରଦାସ୍ତ କରିବେ ନାହିଁ ବୋଲି ବିସିଆଇ କହିଛି। ଉଲ୍ଳେଖଯୋଗ୍ୟ, ଜଷ୍ଟିସ୍ ଚେଲମେଶ୍ୱର ଗତ ୨୨ ତାରିଖରେ ବିଚାରପତି ପଦରୁ ଅବସର ଗ୍ରହଣ କରିବା ପରେ ଜଷ୍ଟିସ୍ ଜୋଶେଫଙ୍କ ନିଯୁକ୍ତି ପ୍ରସଙ୍ଗକୁ ନେଇ ଗଣମାଧ୍ୟମରେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ।