ଶାଶୁକୁ ଘର ଅଗଣାରୁ ଟାଣିନେଲା ଚିତାବାଘ; ବଞ୍ଚାଇବା ପାଇଁ ଜୀବନକୁ ବାଜି ଲଗାଇ ସଂଘର୍ଷ କଲା ବୋହୂ
ଡେରାଡୁନ୍ : ଡେରାଡ଼ୁନ୍ରେ ଜଣେ ବୃଦ୍ଧାଙ୍କ ଉପରେ ଏକ ଚିତାବାଘ ଆକ୍ରମଣ କରିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ସଂନ୍ଧ୍ୟା ସମୟରେ ବୃଦ୍ଧା ଘର ବାହାରେ ବସିଥିବା ବେଳେ ଚିତାବାଘ ବୃଦ୍ଧାଙ୍କ ଉପରେ ଆକ୍ରମଣ କରିଥିଲା । ଚିତ୍କାର ଶୁଣି ତାଙ୍କ ବୋହୂ ଦୌଡ଼ି ଆସିବା ସହ ବଞ୍ଚାଇବା ପାଇଁ ଶାଶୁଙ୍କ ଗୋଡ଼କୁ ଜାବୁଡ଼ି ଧରିଥିଲେ । କିନ୍ତୁ ସେ ତାଙ୍କୁ ବଞ୍ଚାଇବାରେ ସଫଳ ହୋଇ ନଥିଲେ। ଚିତାବାଘଟି ବୃଦ୍ଧାଙ୍କୁ ଟାଣି ନେଉଥିବା ବେଳେ ବୋହୂ ପଛେ ପଛେ ଦୌଡ଼ିଥିଲେ । କିନ୍ତୁ ସେ ଚିତାବାଘକୁ ରୋକି ପାରି ନଥିଲେ । ଏହି ଘଟଣା ପରେ ଗାଁ ଲୋକେ ଚିତାବାଘକୁ ହତ୍ୟା କରାଯାଉ ବୋଲି ଦାବି କରିବା ସହ ଏଭଳି ନ କରାଗଲେ ଆନ୍ଦୋଳନ କରାଯିବ ବୋଲି ଧମକ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସଂନ୍ଧ୍ୟା ୭ଟା ସମୟରେ ଗୋବିନ୍ଦୀ ଦେବୀ ପୂଜା ସାରି ଘର ବାହାରକୁ ଆସିବା ପରେ ବାହାରେ ଥିବା ଚିତାବାଘ ତାଙ୍କ ଉପରକୁ ଆକ୍ରମଣ କରିଥିଲା । ଗୋବିନ୍ଦୀ ଦେବୀଙ୍କ ବୋହୂ ଗୀତା ଶାଶୁଙ୍କୁ ଚିତାବାଘ ଟାଣି ନେଉଥିବା ଦେଖି ଶାଶୁଙ୍କ ଗୋଡ଼କୁ ଟାଣି ଧରିଥଲେ । କିନ୍ତୁ ଶେଷରେ ହାତ ଖସି ଯିବାରୁ ଚିତାବାଘ ଗୋବିନ୍ଦୀ ଦେବୀଙ୍କୁ ନେଇ ପାଖରେ ଥିବା ଚାଷ ଜମିକୁ ଦୌଡ଼ିଥିଲା । ଗୀତା ଚିତ୍କାର କରି ପଛେ ପଛେ ଦୌଡ଼ିଥିବା ବେଳେ ଗାଁ ଲୋକେ ମଧ୍ୟ ପହଞ୍ଚିଥିଲେ । କିନ୍ତୁ ପହଞ୍ଚିବା ବେଳକୁ ବାଘଟି ଗୋବିନ୍ଦୀ ଦେବୀଙ୍କୁ ମାରି ଚାଷ ଜମିରେ ଛାଡ଼ି ଯାଇ ସାରିଥିଲା ।