ଥିରୁଅନନ୍ତପୁରମ୍: କେରଳର ସବରିମାଲା ମନ୍ଦିର ବୋର୍ଡର ମୁଖ୍ୟ ଏକ ବିବାଦୀୟ ମନ୍ତବ୍ୟ ଦେଇ ଆଲୋଚନାର ପରିସରକୁ ଆସିଛନ୍ତି। ସେ କହିଛନ୍ତି ଯେ ମନ୍ଦିର ଭିତରକୁ ମହିଳାମାନଙ୍କୁ ପ୍ରବେଶ କରାଇଲେ ଥାଇଲାଣ୍ଡ୍ ପରି ସବରିମାଲା ମନ୍ଦିର ମଧ୍ୟ ‘ଯୌନ ପର୍ଯ୍ୟଟନ କ୍ଷେତ୍ର’ ପାଲଟିଯିବ। ଉଲ୍ଲେଖଯୋଗ୍ୟ, ପୂର୍ବରୁ ମହିଳାମାନଙ୍କୁ ସବରିମାଲା ଭିତରକୁ ଯିବା ନେଇ ବାରଣ ରହିଥିଲା। ମାତ୍ର ଏହି ମନ୍ଦିରରେ ଏଣିକି ମହିଳାମାନଙ୍କ ପ୍ରବେଶ ନେଇ ସୁପ୍ରିମ୍କୋର୍ଟ ଖୁବ୍ ଶୀଘ୍ର ନିଷ୍ପତ୍ତି ଶୁଣାଇବେ। ସୁପ୍ରିମ୍କୋର୍ଟଙ୍କ ଏକ ସ୍ବତନ୍ତ୍ର ବେଞ୍ଚ୍ ସବରିମାଲାକୁ ମହିଳାମାନଙ୍କ ପ୍ରବେଶ ସଂପର୍କିତ ନିଷ୍ପତ୍ତି ଶୁଣାଇବେ ବୋଲି ଜଣାପଡ଼ିବାର ମାତ୍ର କେତେ ଘଣ୍ଟା ମଧ୍ୟ ବୋର୍ଡ ମୁଖ୍ୟ ଏପରି ମନ୍ତବ୍ୟ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଟ୍ରାଭାନକୋର ଦେଓ୍ଵାସମ୍ ବୋର୍ଡ(ଟିଡିବି)ର ଅଧ୍ୟକ୍ଷ ଗୋପାଲକ୍ରିଷ୍ଣନ ପୂର୍ବରୁ ଏପରି କିଛି ବିବାଦୀୟ ମନ୍ତବ୍ୟ ଦେଇ ଥିବାରୁ ତାଙ୍କୁ କେରଳର ମନ୍ଦିର ବ୍ୟାପାର ମନ୍ତ୍ରୀ କକମପାଲି ସୁରେନ୍ଦ୍ରନ ନିନ୍ଦା କରିଥିବା କଥା ବେଶ ଚର୍ଚ୍ଚା ହୋଇଥିଲା।
‘ଯଦି ବି ସୁପ୍ରିମ୍କୋର୍ଟରୁ ଅନୁମତି ମିଳେ, ଆମେ କିନ୍ତୁ ମହିଳାମାନଙ୍କୁ କୌଣସି ପ୍ରକାର ସୁରକ୍ଷା ଯୋଗାଇ ପାରିବୁ ନାହିଁ। ଥାଇଲାଣ୍ଡ୍ ପରି ଆମେ ଏହାକୁ ଏକ ଯୌନ ପର୍ଯ୍ୟଟନ କ୍ଷେତ୍ର ପରି ହେବାକୁ ଦେବୁ ନାହିଁ। ଏପରିକି ଦ୍ୱାର ଖୋଲିବାର ଶୁଣାଣି କୋର୍ଟ କରିବା ପରେ ବି ଆତ୍ମସମ୍ମାନ ସଚେତନ ମହିଳାମାନେ କେବେ ବି ମନ୍ଦିର ଭିତରେ ପାଦ ରଖିବେ ନାହିଁ’ ବୋଲି ସେ ମତ ରଖିଥିଲେ।
୧୦ରୁ ୫୦ ବର୍ଷ ବୟସ୍କ ମହିଳାମାନଙ୍କର ମୁଖ୍ୟତଃ ସେମାନଙ୍କ ମାସିକ ଧର୍ମ ହେଉଥିବା ବୟସରେ ସେମାନଙ୍କୁ ସବରିମାଲା ମନ୍ଦିର ଭିତରକୁ ପ୍ରବେଶ କରିବା ନେଇ ବାରଣ ରହିଛି।
‘ଯଦି ବି ସୁପ୍ରିମ୍କୋର୍ଟରୁ ଅନୁମତି ମିଳେ, ଆମେ କିନ୍ତୁ ମହିଳାମାନଙ୍କୁ କୌଣସି ପ୍ରକାର ସୁରକ୍ଷା ଯୋଗାଇ ପାରିବୁ ନାହିଁ। ଥାଇଲାଣ୍ଡ୍ ପରି ଆମେ ଏହାକୁ ଏକ ଯୌନ ପର୍ଯ୍ୟଟନ କ୍ଷେତ୍ର ପରି ହେବାକୁ ଦେବୁ ନାହିଁ। ଏପରିକି ଦ୍ୱାର ଖୋଲିବାର ଶୁଣାଣି କୋର୍ଟ କରିବା ପରେ ବି ଆତ୍ମସମ୍ମାନ ସଚେତନ ମହିଳାମାନେ କେବେ ବି ମନ୍ଦିର ଭିତରେ ପାଦ ରଖିବେ ନାହିଁ।’
ଏ ସଂପର୍କରେ ଗୋପଳକ୍ରିଷ୍ଣ ମତ ଦେଇଛନ୍ତି, ‘ଏହା ଅତି ପୁରୁଣା ପରମ୍ପରା। ଯଦି ମହିଳାମାନଙ୍କୁ ଭିତରକୁ ପ୍ରବେଶ ଅନୁମତି ମିଳେ ତେବେ ଅନର୍ଥ ହୋଇଯିବ। ଗୁଡ଼ାଏ ସମସ୍ୟା ସାମ୍ନାକୁ ଆସିବ। ମହିଳାମାନେ ଅସୁରକ୍ଷିତ ରହିବେ। ଏହାଛଡ଼ା ଅନୈତିକ କାର୍ଯ୍ୟ ହେବାର ଅନେକ ସମ୍ଭାବନା ରହିଛି।’
ମନ୍ଦିରରେ ମହିଳାମାନଙ୍କ ଅନୁପ୍ରବେଶ ନେଇ ବୋର୍ଡ ମୁଖ୍ୟଙ୍କୁ ସମାଲୋଚନା କରିଛନ୍ତି ରାଜ୍ୟ ସରକାର। ମହିଳାମାନଙ୍କ ପ୍ରବେଶ ବାରଣ ନେଇ ବୋର୍ଡ ମୁଖ୍ୟ ସପକ୍ଷରେ ଯୁକ୍ତି ବାଢୁଥିବାରୁ ସରକାର ଅସନ୍ତୋଷ ପ୍ରକାଶ କରିଛନ୍ତି। ଏ ନେଇ ମନ୍ତ୍ରୀ ସୁରେନ୍ଦ୍ରରନ୍ କହିଛନ୍ତିି ଯେ ମହିଳାମାନଙ୍କୁ ଅପମାନିତ ନ କରାଯାଇ , ବୋର୍ଡ ପକ୍ଷରୁ ସୋମନଙ୍କ ଦାବି ଉଠାଇ ମହିଳାମାନଙ୍କୁ କ୍ଷମା ପ୍ରାର୍ଥନା କରିବା ଉଚିତ।
ଅନ୍ୟପକ୍ଷରେ ଟିଡିବି ମୁଖ୍ୟ ମତ ରଖିଛନ୍ତିି ଯେ ମହିଳାମାନଙ୍କୁ ମନ୍ଦିର ଭିତରକୁ ଯିବା ପାଇଁ ଅନୁମତି ମିଳିବ ଯଦି ସେମାନଙ୍କ ସ୍ୱଚ୍ଛତା ପରୀକ୍ଷଣ ପାଇଁ ମନ୍ଦିର ପରିସରରେ ଏକ ମେସିନ୍ ରଖାଯିବ। ମୁଖ୍ୟଙ୍କର ଏପରି ବୟାନ ଅସନ୍ତୋଷ ସୃଷ୍ଟି କରିବା ସହିତ ସାମାଜୀକ କର୍ମୀମାନେ ‘ହାପି ଟୁ ବ୍ଲିଡ୍’ ନାମରେ ଏକ କ୍ୟାମ୍ପେନ ମଧ୍ୟ ଆରମ୍ଭ କରିଛନ୍ତି।