ଜେଲରେ କଟିବ ଆଶାରାମଙ୍କ ଜୀବନ, କୋର୍ଟ ଶୁଣାଇଲେ ଆଜୀବନ କାରାଦଣ୍ଡ
ନୂଆଦିଲ୍ଲୀ: ୨୦୧୩ ମସିହାର ଏକ ଦୁଷ୍କର୍ମ ମାମଲାରେ ଆତ୍ମଘୋଷିତ ଧର୍ମଗୁରୁ ଆଶାରାମ ବାପୁ ଦୋଷୀସାବ୍ୟସ୍ତ ହୋଇଛନ୍ତି। ଗୁଜରାଟର ଗାନ୍ଧିନଗର ସେସନ୍ସ କୋର୍ଟ ଦୁଷ୍କର୍ମ ମାମଲାରେ ତାଙ୍କୁ ଦୋଷୀସାବ୍ୟସ୍ତ କରିଛନ୍ତି। କୋର୍ଟ ଏହି ମାମଲାରେ ଆଶାରାମ ବାପୁଙ୍କ ପତ୍ନୀଙ୍କ ସମେତ ମୋଟ୍ ୬ ଜଣ ଅଭିଯୁକ୍ତଙ୍କୁ ପ୍ରମାଣ ଅଭାବରୁ ଦୋଷମୁକ୍ତ କରିଛନ୍ତି। ଗାନ୍ଧିନଗର ସେସନ୍ସ କୋର୍ଟ ଜଣେ ମହିଳା ଅନୁଗାମୀଙ୍କୁ ଦୁଷ୍କର୍ମ ମାମଲାରେ ଆଶାରାମ ବାପୁଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଆଶାରାମଙ୍କ ବିରୋଧରେ ଏହି ମାମଲା ୨୦୧୩ରେ ପଞ୍ଜୀକୃତ ହୋଇଥିଲା। ପ୍ରମାଣ ଅଭାବରୁ ଆଶାରାମଙ୍କ ପତ୍ନୀଙ୍କ ସମେତ ଅନ୍ୟ ୬ଜଣ ଅଭିଯୁକ୍ତଙ୍କୁ କୋର୍ଟ ନିର୍ଦ୍ଦୋଷରେ ଖଲାସ କରିଥିଲେ। ଅହମ୍ମଦାବାଦର ଚାନ୍ଦକେଡା ପୋଲିସ ଷ୍ଟେସନରେ ଦିଆଯାଇଥିବା ଏଫଆଇଆର ଅନୁଯାୟୀ, ୨୦୦୧ ରୁ ୨୦୦୬ ମଧ୍ୟରେ ଆଶାରାମ ମହିଳାଙ୍କୁ ଅନେକ ଥର ଦୁଷ୍କର୍ମ କରିଥିଲେ, ଯେତେବେଳେ ସେ ସହରର ଉପକଣ୍ଠରେ ତାଙ୍କ ଆଶ୍ରମରେ ରହୁଥିଲେ।
Sambad is now on WhatsApp
Join and get latest news updates delivered to you via WhatsApp
ଅକ୍ଟୋବର ୨୦୧୩ରେ, ମହିଳା ଦୁଷ୍କର୍ମ ଏବଂ ବେଆଇନ ଭାବେ ଅଟକ ରଖିବା ଅଭିଯୋଗରେ ଆଶାରାମ ଏବଂ ଅନ୍ୟ ୭ଜଣଙ୍କ ବିରୋଧରେ ମାମଲା ଦାୟର କରିଥିଲେ। ତେବେ ବିଚାର ସମୟରେ ଜଣେ ଅଭିଯୁକ୍ତଙ୍କ ମୃତ୍ୟୁ ଘଟିଛି। ଜୁଲାଇ ୨୦୧୪ରେ ଏହି ମାମଲାରେ ଏକ ଚାର୍ଜସିଟ୍ ଦାଖଲ କରାଯାଇଥିଲା। ଅନ୍ୟ ଏକ ଦୁଷ୍କର୍ମ ମାମଲାରେ ଆଶାରାମ ବାପୁ ବର୍ତ୍ତମାନ ରାଜସ୍ଥାନର ଯୋଧପୁର ଜେଲରେ ଅଛନ୍ତି। ପୀଡିତାଙ୍କ ସାନ ଭଉଣୀକୁ ଆଶାରାମଙ୍କ ପୁଅ ନାରାୟଣ ସାଇ ଦୁଷ୍କର୍ମ କରି ବେଆଇନ ଭାବେ ବନ୍ଦୀ କରି ରଖିଥିଲେ। ଏପ୍ରିଲ୍ ୨୦୧୯ରେ, ସାଇଙ୍କୁ ୨୦୧୩ରେ ପଞ୍ଜୀକୃତ ହୋଇଥିବା ଏକ ଦୁଷ୍କର୍ମ ମାମଲାରେ ସୁରଟ ସେସନ୍ସ କୋର୍ଟ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଅଗଷ୍ଟ ୨୦୧୩ରେ ଆଶାରାମଙ୍କୁ ରାଜସ୍ଥାନ ପୁଲିସ ଗିରଫ କରିବା ପରେ ପୀଡିତା ଏବଂ ତାଙ୍କ ଭଉଣୀ ପ୍ରଭାବଶାଳୀ ଆଧ୍ୟାତ୍ମିକ ନେତା ତଥା ନାରାୟଣ ସାଇଙ୍କ ବିରୁଦ୍ଧରେ ସାହସ ଜୁଟାଇଥିଲେ। ଏପ୍ରିଲ ୨୫, ୨୦୧୮ରେ, ଯୋଧପୁର କୋର୍ଟ ଆଶାରାମଙ୍କୁ ୨୦୧୩ ମସିହାରେ ତାଙ୍କ ଆଶ୍ରମରେ ନାବାଳିକାକୁ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ କରିବା ପରେ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଡିସେମ୍ବର ୨୦୨୧ରେ ଦୁଷ୍କର୍ମ ମାମଲାରେ ଆଶାରାମଙ୍କ ଜାମିନ ଆବେଦନକୁ ଗୁଜୁରାଟ ହାଇକୋର୍ଟ ପ୍ରତ୍ୟାଖ୍ୟାନ କରିଥିଲେ, ଯାହା ପରେ ସେ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ।