ଦୁଇ ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ୬୪ ଜଣଙ୍କୁ ମିଳିଲା ଜୀବନରୁ ମାରିଦେବାର ଧମକ
ବାଙ୍ଗାଲୋର: କର୍ଣ୍ଣାଟକର ବିରୋଧୀ ଦଳର ନେତା ସିଦ୍ଧରମୈୟା, ପୂର୍ବତନ ମୁଖ୍ୟମନ୍ତ୍ରୀ କୁମାରସ୍ୱାମୀ ଏବଂ ପ୍ରଖ୍ୟାତ ସାହିତ୍ୟିକ କେ ଵୀରଭଦ୍ରାପ୍ପାଙ୍କ ସମେତ ୬୪ ଜଣଙ୍କୁ ଜୀବନରୁ ମାରିଦେବାର ଧମକ ମିଳିଛି | ଏହି ଧମକ ସୋସିଆଲ ମିଡିଆରେ ଭାଇରାଲ ହେଉଛି। ଏହି ମେସେଜରେ ଲେଖାଯାଇଛି ଯେ “ମୃତ୍ୟୁ ତୁମ ମୁଣ୍ଡ ଉପରେ ଘୁରି ବୁଲୁଛି, ଅନ୍ତିମ ସଂସ୍କାରର ପ୍ରସ୍ତୁତି କରିଦିଅ’ |
Sambad is now on WhatsApp
Join and get latest news updates delivered to you via WhatsApp
ଏହି ମାମଲାକୁ ଗୁରୁତ୍ୱର ସହ ଗ୍ରହଣ କରି ପୁଲିସ ବିଭାଗ ତଦନ୍ତ ଆରମ୍ଭ କରିଛି। କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ଓ କୁମାରସ୍ୱାମୀଙ୍କ ସମେତ ୬୪ ଜଣ ପ୍ରଖ୍ୟାତ ବ୍ୟକ୍ତିଙ୍କୁ ସୋସିଆଲ ମିଡିଆ ଜରିଆରେ ମୃତ୍ୟୁ ଧମକ ଦିଆଯାଇଛି। ଭାଇରାଲ ହୋଇଥିବା ଏହି ମେସେଜର ଧମକ ଦେଇଥିବା ବ୍ୟକ୍ତି ଜଣକ ନିଜକୁ ଜଣେ ହିନ୍ଦୁ ବ୍ୟକ୍ତି ବୋଲି ପରିଚିତ କରିଛନ୍ତି |
ସେହି ବ୍ୟକ୍ତି ତାଙ୍କ ମେସେଜରେ ଲେଖିଛନ୍ତି – ତୁମେ ବିନାଶର ପଥରେ ଅଛ। ମୃତ୍ୟୁ ତୁମର ଅତି ନିକଟତର ହୋଇସାରିଛି | ବର୍ତ୍ତମାନ ପ୍ରସ୍ତୁତ ରୁହ | ମୃତ୍ୟୁ ତୁମକୁ ଯେକୌଣସି ଢଙ୍ଗରେ ଆଶ୍ଚର୍ଯ୍ୟ କରିପାରେ | ତୁମର ପରିବାର ସଦସ୍ୟଙ୍କୁ ସୂଚନା ଦିଅ ଏବଂ ତୁମର ଅନ୍ତିମ ସଂସ୍କାର ପାଇଁ ବ୍ୟବସ୍ଥା କର | ଏହି ଘଟଣା ପରେ ପୂର୍ବତନ ମୁଖ୍ୟମନ୍ତ୍ରୀ ଏଚ୍.ଡି କୁମାରସ୍ୱାମୀ ଏଭଳି ଧମକକୁ ହାଲୁକା ଭାବେ ନ ନେବାକୁ ସରକାରଙ୍କୁ ଚେତାବନୀ ଦେଇଛନ୍ତି।