ବିହାର: ବଜ୍ରପାତ ନେଲା ୧୭ ଜୀବନ

ନୂଆଦିଲ୍ଲୀ : ବିହାରରେ ଗତ ୨୪ ଘଣ୍ଟାରେ ବଜ୍ରପାତ ଯୋଗୁଁ ୧୭ ଜଣଙ୍କ ମୃତ୍ୟୁ ହୋଇଛି। ରୋହତସ ଜିଲ୍ଲାରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ଅରୱଲରେ ୩ ଜଣ, ସାରଣରେ ୩ ଜଣ, ଔରଙ୍ଗାବାଦ ଏବଂ ପୂର୍ବ ଚମ୍ପାରଣରେ ୨ ଜଣ ଲେଖାଏଁ ବ୍ୟକ୍ତିଙ୍କ ମୃତ୍ୟୁ ହୋଇଛି। ବାଙ୍କା ଓ ବୈଶାଳୀ ଜିଲ୍ଲାରେ ମଧ୍ୟ ଜଣେ ଲେଖାଏଁ ବ୍ୟକ୍ତିଙ୍କର ବଜ୍ରପାତରେ ମୃତ୍ୟୁ ହୋଇଛି।

ମୁଖ୍ୟମନ୍ତ୍ରୀ ନୀତୀଶ କୁମାର ଉକ୍ତ ଘଟଣାରେ ଶୋକ ପ୍ରକାଶ କରିଛନ୍ତି ଏବଂ ମୃତକଙ୍କ ପରିବାର ପିଛା ୪ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି। ଗୋଟିଏ ଦିନରେ ଏତେ ସଂଖ୍ୟକ ଲୋକଙ୍କ ବଜ୍ରପାତରେ ମୃତ୍ୟୁ ହେବାପରେ ବିପର୍ଯ୍ୟୟ ପରିଚାଳନା ସଂସ୍ଥା ଲୋକମାନଙ୍କୁ କ୍ଷେତକୁ ଯିବାବେଳେ ସତର୍କତା ଅବଲମ୍ବନ କରିବାକୁ କହିଛି। ଗଛତଳେ ଏବଂ ବିଦ୍ୟୁତ ଖୁଣ୍ଟ ତଳେ ଠିଆ ହେବାକୁ ମନା କରାଯାଇଛି। ଝଡ଼ତୋଫାନ ସମୟରେ ଲୋକମାନଙ୍କୁ ଘରେ ରହିବାପାଇଁ କୁହାଯାଇଛି।