ନୂଆଦିଲ୍ଲୀ: ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଏକ ସିଂହକୁ ପାଟିରେ  ଶିକାର ଧରି ରାସ୍ତା ଅତିକ୍ରମ କରୁଥିବା ଦେଖିବାକୁ ମିଳୁଛି। 

Advertisment

ଉକ୍ତ ରାସ୍ତା ଦେଇ ଯାଉଥିବା କିଛି ଯାତ୍ରୀ ଉକ୍ତ ଦୃଶ୍ୟକୁ ଦେଖି ଅଟକି ଯାଇଥିଲେ। ଆଉ ସିଂହ ଠାରୁ କିଛି ଦୂରରେ ରହି ଫୋନରେ ଦୃଶ୍ୟ ରେକର୍ଡ କରିବା ଆରମ୍ଭ କରିଥିଲେ। ଯାତ୍ରୀଙ୍କୁ ରାସ୍ତାରେ ଦେଖି ସିଂହ କିଛି ସମୟ ପାଇଁ ଅଟକି ଯାଇ ସେମାନଙ୍କୁ ଚାହୁଁ ରହିଥିଲା। ଏହାପରେ ଏକ ଭୟଙ୍କର ଗର୍ଜନ କରି ତାର ଶିକାର ଧରି ଜଙ୍ଗଲ ଭିତରକୁ ଚାଲି ଯାଇଥିଲା। 

ଏହି ଭିଡିଓ ଭାଇରାଲ ହେବାପରେ ବନ୍ୟପ୍ରାଣୀ ବିଭାଗ ଲୋକଙ୍କୁ ଜଙ୍ଗଲ ସଫାରୀ କିମ୍ବା ବାହାର ସ୍ଥାନମାନଙ୍କରେ ସିଂହ କିମ୍ବା ଜଙ୍ଗଲୀ ଜୀବଜନ୍ତୁ ଦେଖିବା ସମୟରେ ପର୍ଯ୍ୟାପ୍ତ ଦୂରତା ବଜାୟ ରଖିବାକୁ ପରାମର୍ଶ ଦେବା ସହିତ ସେମାନଙ୍କୁ ଉସୁକାଇବା କିମ୍ବା ଭିଡିଓ ରେକର୍ଡ କରିବା ଠାରୁ ଦୂରେଇ ରହିବାକୁ ଅନୁରୋଧ କରିଛି।