ମାର୍ଚ୍ଚ ଶେଷ ସୁଦ୍ଧା ବଦଳି ଓ ନିଯୁକ୍ତିକୁ ଚୂଡ଼ାନ୍ତ କରିବାକୁ ସବୁ ରାଜ୍ୟକୁ ନିର୍ଦ୍ଦେଶ ଦେଲେ ନିର୍ବାଚନ କମିଶନ; ଏପ୍ରିଲ- ମେରେ ହେଇପାରେ ୨୦୧୯ ସାଧାରଣ ନିର୍ବାଚନ
ନୂଆଦିଲ୍ଲୀ: ୨୦୧୯ ସାଧାରଣ ନିର୍ବାଚନ ପାଇଁ ନିର୍ବାଚନ କମିଶନ ଆସନ୍ତା ମାର୍ଚ୍ଚ ମାସରେ ବିଜ୍ଞପ୍ତି ପ୍ରକାଶ କରିପାରନ୍ତି। ଏବଂ ଆସନ୍ତା ଏପ୍ରିଲ- ମେ ମାସରେ ଦେଶରେ ସାଧାରଣ ନିର୍ବାଚନ ଅନୁଷ୍ଠିତ ହୋଇପାରେ। କାରଣ, ନିର୍ବାଚନ କମିଶନଙ୍କ ପକ୍ଷରୁ ଆଜି ଦେଶର ପ୍ରତି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବ ଓ ନିର୍ବାଚନ ଅଧିକାରୀମାନଙ୍କ ନିକଟକୁ ଏକ ନିର୍ଦ୍ଦେଶନାମା ପଠାଯାଇଛି।
Sambad is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନଙ୍କ ପକ୍ଷରୁ ପଠା ଯାଇଥିବା ନିର୍ଦ୍ଦେଶନାମାରେ ୨୦୧୯ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ସରକାରୀ କମିଚାରୀମାନଙ୍କର ବଦଳି ଓ ନିଯୁକ୍ତି କାର୍ଯ୍ୟକୁ ମାର୍ଚ୍ଚ ୩୧ ତାରିଖ ସୁଦ୍ଧା ଶେଷ କରିବାକୁ କୁହାଯାଇଛି। ନିର୍ବାଚନ କମିଶନଙ୍କ ଏହି ନିର୍ଦ୍ଦେଶନାମା ପରିପ୍ରେକ୍ଷୀରେ ଆସନ୍ତା ୨୦୧୯ ସାଧାରଣ ନିର୍ବାଚନକୁ ନେଇ ଏପରି ଆକଳନ କରାଯାଉଛି।
Election Commission writes to Chief Secys&Chief Electoral Officers of all states&union territories regarding transfer/posting of officers in the light of General Elections to the Lok Sabha, 2019 & state legislative assemblies of Andhra Pradesh, Arunachal Pradesh, Odisha & Sikkim. pic.twitter.com/YcxOzWBlQ9
— ANI (@ANI) January 28, 2019
୨୦୧୯ ସାଧାରଣ ନିର୍ବାଚନ ସହ ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ, ଓଡ଼ିଶା ଓ ସିକିମ୍ ରାଜ୍ୟ ବିଧାନସଭା ନିର୍ବାଚନ ମଧ୍ୟ ଏକକାଳୀନ ଆୟୋଜିତ ହୋଇପାରେ। କାରଣ, ଏହି ସମସ୍ତ ରାଜ୍ୟର ବିଧାନସଭାଗୁଡ଼ିକର କାର୍ଯ୍ୟକାଳ ଚଳିତ ବର୍ଷ ଶେଷ ହେଉଛି। ସେହିପରି ବର୍ତ୍ତମାନ ଚାଲିଥିବା ଲୋକସଭାର କାର୍ଯ୍ୟକାଳ ଜୁନ୍ ୩ ତାରିଖରେ ଶେଷ ହୋଇଛି।