ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ଏପ୍ରିଲ ୧୬ରେ ହେବ ବୋଲି କୁହାଯାଉଥିବା ଖବରକୁ ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀ (ସିଇଓ) ମଙ୍ଗଳବାର ଖଣ୍ଡନ କରିଛନ୍ତି। ସିଇଓଙ୍କ କାର୍ଯ୍ୟାଳୟରୁ ଏକ ଚିଠି ସୋସିଆଲ ମିଡିଆରେ ଆସିବା ପରେ ମତଦାନ ତାରିଖକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ଏହା ପରେ ସିଇଓ ସ୍ପଷ୍ଟୀକରଣ ଦେଇଛନ୍ତି ।
ଭାଇରାଲ ହେଉଥିବା ବିଜ୍ଞପ୍ତିରେ କୁହାଯାଇଛି ଯେ ନିର୍ବାଚନ ଆୟୋଗ ନିର୍ବାଚନ ଯୋଜନାରେ ଆରମ୍ଭ ଓ ଶେଷ ତାରିଖ ଗଣନା ଉଦ୍ଦେଶ୍ୟରେ ୨୦୨୪ ଏପ୍ରିଲ ୧୬ ତାରିଖକୁ ସୂଚକାଙ୍କ ଭାବେ ଅସ୍ଥାୟୀ ମତଦାନ ଦିବସ ଭାବେ ଧାର୍ଯ୍ୟକରାଯାଇଥିବା କଥା କୁହାଯାଇଛି । ଭାରତର ନିର୍ବାଚନ ଆୟୋଗଙ୍କ ନିର୍ବାଚନ ଯୋଜନାରେ ଦିଆଯାଇଥିବା ସମୟସୀମାକୁ ପାଳନ କରିବା ସର୍ତ୍ତରେ ଦିଲ୍ଲୀର ସମସ୍ତ ୧୧ ଟି ଜିଲ୍ଲା ନିର୍ବାଚନ ଅଧିକାରୀଙ୍କୁ ଏହି ବିଜ୍ଞପ୍ତି ଜାରି କରାଯାଇଛି ବୋଲି ଏଥିରେ କୁହାଯାଇଛି ।
Some media queries are coming referring to a circular by @CeodelhiOffice to clarify whether 16.04.2024 is tentative poll day for #LSElections2024
It is clarified that this date was mentioned only for ‘reference’for officials to plan activities as per Election Planner of ECI.— CEO, Delhi Office (@CeodelhiOffice) January 23, 2024
ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ସୋସିଆଲ ମିଡିଆ ସାଇଟ ଏକ୍ସରେ ସ୍ପଷ୍ଟୀକରଣ ଦିଆଯାଇଛି ଯେ ଏହି ତାରିଖଟି କେବଳ ନିର୍ବାଚନରେ ସଂପୃକ୍ତ ଅଧିକାରୀଙ୍କ ରେଫରେନ୍ସ ପାଇଁ ସୂଚୀତ କରାଯାଇଛି ଯେପରିକି ସେମାନେ ଭାରତର ନିର୍ବାଚନ ଆୟୋଗଙ୍କ ନିର୍ବାଚନ ଯୋଜନା ଅନୁସାରେ କାର୍ଯ୍ୟାବଳୀର ପ୍ରସ୍ତୁତି କରିପାରିବେ ।