ଲୋକସଭାରେ ଏନସିଟି ବିଲ୍ ପାସ୍ : ଏବେ କୌଣସି କାର୍ଯ୍ୟାନୁଷ୍ଠାନ ପୂର୍ବରୁ ଉପରାଜ୍ୟପାଳଙ୍କ ମତାମତ ଲୋଡ଼ିବେ ଦିଲ୍ଲୀ ସରକାର
ନୂଆଦିଲ୍ଲୀ: ଆଜି ଲୋକସଭାରେ ପାରିତ ହୋଇଛି ଦିଲ୍ଲୀର ଜାତୀୟ ରାଜଧାନୀ ଟେରିଟୋରି (ସଂଶୋଧନ) ବିଲ୍, ୨୦୨୧। ଏହି ବିଲ୍ ପାରିତ ହେବା ପରେ ଏବେ ଦିଲ୍ଲୀର ଉପରାଜ୍ୟପାଳଙ୍କୁ ଅଧିକ କ୍ଷମତା ମିଳିବ। କଂଗ୍ରେସ ଏବଂ ଆମ ଆଦମୀ ପାର୍ଟିର ବିରୋଧ ସତ୍ତ୍ବେ ଆଜି ଏହା ଲୋକସଭାରେ ପାରିତ ହୋଇଛି। ଏହି ବିଲ୍ ଅନୁଯାୟୀ, ଦିଲ୍ଲୀର ସରକାର ଏବେ କୌଣସି କାର୍ଯ୍ୟାନୁଷ୍ଠାନ ପୂର୍ବରୁ କିମ୍ବା କୌଣସି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ ଉପରାଜ୍ୟପାଳଙ୍କ ମତାମତ ଲୋଡ଼ିବେ।
Sambad is now on WhatsApp
Join and get latest news updates delivered to you via WhatsApp
Passage of GNCTD amendment Bill in Lok Sabha today is an insult to the people of Delhi. The Bill effectively takes away powers from those who were voted by people and gives powers to run Delhi to those who were defeated. BJP has cheated the people
— Arvind Kejriwal (@ArvindKejriwal) March 22, 2021
ଏହି ବିଲ୍ ପାରିତ ହେବା ପରେ ନିଜ ପ୍ରତିକ୍ରିୟା ରଖି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ କହିଛନ୍ତି ଯେ, ଆଜି ଲୋକସଭାରେ ଜାତୀୟ ରାଜଧାନୀ ଟେରିଟୋରି (ସଂଶୋଧନ) ବିଲ୍, ୨୦୨୧ ପାସ ହେବା ଦିଲ୍ଲୀର ଲୋକଙ୍କ ପାଇଁ ଅପମାନ। ଏହି ବିଲ୍ ଲୋକଙ୍କ ଦ୍ବାରା ଭୋଟ ପାଇ କ୍ଷମତାକୁ ଆସିଥିବା ନେତାଙ୍କ କ୍ଷମତା ଛଡ଼ାଇ ନେଇଛି ଏବଂ ଯେଉଁମାନେ ପରାଜିତ ହୋଇଥିଲେ ସେମାନଙ୍କୁ ଦିଲ୍ଲୀ ଚଳାଇବାକୁ କ୍ଷମତା ପ୍ରଦାନ କରିଛି। ଏପରି ଏକ ବିଲ୍ ପାସ୍ କରି ବିଜେପି ଲୋକଙ୍କୁ ଠକିଛି।