ଲୋକସଭାରେ ଗୃହୀତ ହେଲା ଏକକ ଟ୍ରିବୁନାଲ ବିଲ୍, ରାଜ୍ୟ-ରାଜ୍ୟ ମଧ୍ୟରେ ଥିବା ନଦୀ ଜଳ ବଣ୍ଟନ ବିବାଦର ସମାଧାନ କରିବ
ନୂଆଦିଲ୍ଲୀ : ଲୋକସଭାରେ ଆଜି ଅନ୍ତଃରାଜ୍ୟ ନଦୀଜଳ ବିବାଦ (ସଂଶୋଧନ) ବିଲ,୨୦୧୯ ଗୃହୀତ ହୋଇଛି । ଦେଶରେ ରାଜ୍ୟ ରାଜ୍ୟ ମଧ୍ୟରେ ନଦୀ ଜଳ ବଣ୍ଟନକୁ ନେଇ ଦେଖାଦେଉଥିବା ବିବାଦଗୁଡ଼ିକର ସମୟବଦ୍ଧ ସମାଧାନ କରିବାକୁ ଏକ ଅନ୍ତଃରାଜ୍ୟ ନଦୀ ଜଳବିବାଦ ଟ୍ରିବୁନାଲ ଗଠନ ପାଇଁ ଏଥିରେ ବ୍ୟବସ୍ଥା ରହିଛି । ତେବେ କୌଣସି ବିବାଦ ଟ୍ରିବୁନାଲ ନିକଟକୁ ଯିବା ପୂର୍ବରୁ ତାହାର ଆପୋସ ସମାଧାନ ଲାଗି ଏକ ‘ବିବାଦ ସମାଧାନ କମିଟି’ ଗଠନ ଲାଗି ମଧ୍ୟ ଏଥିରେ ବ୍ୟବସ୍ଥା ରହିଛି । ଏହି ଏକକ ଟ୍ରିବୁନାଲର ବିଭିନ୍ନ ବେଞ୍ଚ ରହିବ ଓ ଗୋଟିଏ ବିବାଦ ମଧ୍ୟରେ ୨ ବର୍ଷ ମଧ୍ୟରେ ଏହା ନିଜର ରାୟ ଶୁଣାଇବ ।
Sambad is now on WhatsApp
Join and get latest news updates delivered to you via WhatsApp
ଏହି ବିଲକୁ ଆଗତ କରି ଜଳ ଶକ୍ତିମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ଵତ କହିଛନ୍ତି ଯେ ଦେଶର ୨୪ଟି ନଦୀ ଅବବାହିକା ରହିଛି । ରାଜ୍ୟ ରାଜ୍ୟ ମଧ୍ୟରେ ନଦୀ ଜଳ ବଣ୍ଟନକୁ ନେଇ ବିବାଦ ବେଶ ପୁରୁଣା ଓ ଏପରିକି ବ୍ରିଟିଶ ଅମଳରେ ବି ବିବାଦ ରହିଥିଲା ।