ଦେଶର ଜନତାଙ୍କୁ ଅଣଦେଖା କରି ମୋଦୀ କେବଳ କୋଟି କୋଟି ଟଙ୍କାର ଫେସିଆଲ କରି ମୁହଁ ଚମକାଉଛନ୍ତି : କନ୍ହୈୟା କୁମାର
ନୂଆଦିଲ୍ଲୀ : ଇଣ୍ଡିଆ ଟୁଡେକୁ ସାକ୍ଷାତକାର ଦେଇ କନ୍ହୈୟା କୁମାର ମୋଦୀଙ୍କୁ କଟାକ୍ଷ କରିଛନ୍ତି । ମୋଦୀ ସରକାର ଆସିବା ପରେ ଦେଶର ଅର୍ଥବ୍ୟବସ୍ଥା ଏବଂ ସ୍ଥିତି କେମିତି ରହିଛି ସେ ନେଇ ନିଜର ପ୍ରତିକ୍ରିୟା ରଖିଛନ୍ତି କନ୍ହୈୟା କୁମାର । ମୋଦୀଙ୍କୁ ନେଇ ତାଙ୍କ ମତ ଏବେ ବିବାଦୀୟ ହେବାକୁ ଲାଗିଥିବା ବେଳେ ବିରୋଧି ଦଳ ଏହାକୁ ସମର୍ଥନ କରିଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସାକ୍ଷାତକାରରେ ତାଙ୍କୁ ମୋଦୀ ସରକାର ଉପରେ ମତ ରଖିବାକୁ ପାଇଁ କୁହାଯିବା ପରେ, ଗୋଟେ ପକ୍ଷରେ ମୋଦୀଜୀଙ୍କ ଚମକୁଥିବା ଚେହେରା ପାଇଁ ସେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ଅନ୍ୟ ପଟେ, ଦେଶର ଗରିବ ଜନତା, ଯାହା ବିଷୟରେ ମୋଦୀଜୀ କେବେ ଚିନ୍ତା କରି ନାହାନ୍ତି । ମୋଦୀଜୀ କେବଳ ଯୋଜନା ବନାଇଛନ୍ତି । କିନ୍ତୁ ତାହା ସଫଳ ହୋଇ ନାହିଁ । ଦେଶର ଜନତାଙ୍କ ପାଇଁ କରାଯାଇଥିବା ସ୍କିମ୍ ଯେମିତିକି, ଉଜ୍ଜ୍ୱଳା ଯୋଜନା ଏବଂ ବେଟି ବଚାଓ ବେଟି ପଢ଼ାଓ ଯୋଜନା ସଂପୂର୍ଣ୍ଣ ଭାବରେ ବିଫଳ ହୋଇଛି । ଏହି ସ୍କିମ୍ର ବିଜ୍ଞାପନ ପାଇଁ ମୋଦୀ ସରକାର ଅନେକ ଟଙ୍କା ଖର୍ଚ୍ଚ କରିଥିଲେ । କିନ୍ତୁ ତାହା ଏ ପର୍ଯ୍ୟନ୍ତ ସଫଳ ହୋଇ ପାରିଲା ନାହିଁ ।
ଉଜ୍ଜ୍ୱଳା ଯୋଜନା ଦ୍ୱାରା ଲୋକେ ମାଗଣାରେ ଗ୍ୟାସ୍ ସଂଯୋଗ ପାଇବେ ବୋଲି ମୋଦୀ ସରକାର ଦାବି କରୁଥିବା ବେଳେ ହିତାଧିକାରୀମାନେ କିସ୍ତିରେ ଏ ନେଇ ଟଙ୍କା ଦେଉଛନ୍ତି । କାରଣ ସେମାନଙ୍କୁ ଟଙ୍କା ଖର୍ଚ୍ଚ କରି ସିଲିଣ୍ଡରକୁ ପୁନଃ ଭରିବା ପାଇଁ ଯିବାକୁ ପଢ଼ୁଛି । କିଛି କିଛି ଲୋକ ପୁନଃ ଭରିବା ପାଇଁ ଲାଗୁଥିବା ଟଙ୍କାକୁ ନେଇ ସିଲିଣ୍ଡର ଭରୁ ନାହାନ୍ତି । ସିଲିଣ୍ଡର ପୁନଃ ଭରିବାର ଦାମ୍ ୧୦୦୦ଟଙ୍କା ଉପରେ ପହଞ୍ଚିଥିବା ବେଳେ ଟଙ୍କା ଅଭାବରୁ ଲୋକେ ସିଲିଣ୍ଡର ଭରି ପାରନ୍ତି ନାହିଁ । କୋଟି କୋଟି ଗରିବ ଲୋକ ଗୋଟେ ପଟେ ଥିବା ବେଳେ ଅନ୍ୟ ପଟେ ମୋଦୀଙ୍କ ଚେହେରାକୁ ନେଇ କୋଟି କୋଟି ଟଙ୍କା ଖର୍ଚ୍ଚ ହେଉଛି ବୋଲି କହିଥିଲେ କନ୍ହୈୟା କୁମାର ।