ଲାଇଭ ରେକର୍ଡିଙ୍ଗ ବେଳେ ଲୁଟ ଉଦ୍ୟମ: ଲୁଟେରାଙ୍କ କବଳରୁ ଅଳ୍ପକେ ବର୍ତ୍ତିଲେ ବ୍ଲଗର

ବେଙ୍ଗାଲୁରୁ: ନିଜ ସାଙ୍ଗମାନଙ୍କ ସହ ଲାଇଭ ସୁଟିଂ କରୁଥିବାବେଳେ ପହଞ୍ଚିଗଲେ ଲୁଟେରା | ଆଉ ଲୁଟେରା ମୋବାଇଲ ଛଡ଼ାଇବାକୁ ଉଦ୍ୟମ କରୁଥିଲେ ବି ଫେଲ ମାରିଲେ | ତେବେ ଲୁଟେରାଙ୍କ କବଳରୁ ଯୁବତୀ ଓ ତାଙ୍କ ସାଙ୍ଗମାନେ ଅଳ୍ପକେ ବର୍ତ୍ତିଯାଇଛନ୍ତି | ବେଙ୍ଗାଲୁରୁର ଏକ ରେଷ୍ଟୁରାଣ୍ଟ ବାହାରୁ ଲୁଟ ଉଦ୍ୟମର ଏଭଳି ଏକ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେବାରେ ଲାଗିଛି। କିଛି ଯୁବତୀ ବାଙ୍ଗାଲୋରର ଏହି ରେଷ୍ଟୁରାଣ୍ଟ ବାହାରେ ଫୋନ ମାଧ୍ୟମରେ ଭିଡିଓ ପ୍ରସ୍ତୁତ କରୁଥିଲେ। ତା’ପରେ ହଠାତ୍ ଏକ ବାଇକରେ ଦୁଇ ଜଣ ଯୁବକ ଆସିଥିଲେ ଓ ଫୋନ୍ ଛଡ଼ାଇବାକୁ ଚେଷ୍ଟା କଲେ | ତେବେ ଲୁଟେରାମାନେ ଫୋନ ନେବାରେ ବିଫଳ ହୋଇଥିଲେ | ଲୁଟ ଉଦ୍ୟମର ଭିଡିଓ ଭାଇରାଲ ହେବା ପରେ ବାଙ୍ଗାଲୋର ପୁଲିସ ଏହି ଘଟଣା ବାବଦରେ ଯୁବତୀଙ୍କୁ ତଥ୍ୟ ମାଗିଛି |

A follower ruchika writes:
As we are content creators and we were regular shooting content for the restaurant when these two boys approached and tried to snatch my phone from my hand , luckily I pulled my phone down at that point , preventing him from snatching it.@BlrCityPolice pic.twitter.com/RALPqQlTVT

— Bangalore 360 (@bangalore360_) March 27, 2023

ଏହି ଲୁଟ ଉଦ୍ୟମ ରବିବାର ରାତି ପ୍ରାୟ ୧୧ ଟା ୨୦ ସମୟରେ ବେଙ୍ଗାଲୁରୁର ଗୁଫା ରେଷ୍ଟୁରାଣ୍ଟ ସମ୍ମୁଖରେ ଘଟିଥିଲା | ଏଠାରେ ୪ ଜଣ ଯୁବତୀ ଏକ ବ୍ଲଗ ସୁଟିଂ କରୁଥିଲେ | ତେବେ ମୋବାଇଲ ଧରିଥିବା ଯୁବତୀ ଜଣକ ରୁଚିକା ହୋଇଥିବାବେଳେ ସେ କହିଛନ୍ତି ଯେ ବିଭିନ୍ନ ରେଷ୍ଟୁରାଣ୍ଟକୁ ଯାଇ ସେ ନିୟମିତ ବ୍ଲଗ ସୁଟିଂ କରିଥାନ୍ତି | ତେବେ ସୁଟିଂ ବେଳେ ଦୁଇ ଯୁବକ ଏକ ବାଇକରେ ଆସି ଫୋନକୁ ତାଙ୍କ ହାତରୁ ଛଡ଼େଇ ନେବାକୁ ଚେଷ୍ଟା କରିଥିଲେ | କିନ୍ତୁ ଫୋନ ନେଇପାରିନଥିଲେ | ପୁରା ଘଟଣା ରୁଚିକାଙ୍କ ଫୋନରେ କଏଦ ହୋଇଛି। ଅଭିଯୁକ୍ତଙ୍କ ଫୋନ୍ ଛଡ଼ାଇବାର ଅସଫଳ ଉଦ୍ୟମ ରେଷ୍ଟୁରାଣ୍ଟର ସିସିଟିଭିରେ ମଧ୍ୟ ରେକର୍ଡ ହୋଇଛି।