କନୁର : ଗୋଟିଏ ଗୋଡ଼ ନଥାଇ ମଧ୍ୟ ନିଜର ଚେଷ୍ଟା ଏବଂ ଇଚ୍ଛା ଶକ୍ତି ହେତୁ କେରଳର କନୁର୍ରେ ରହୁଥିବା ଜଣେ ଯୁବତୀ ଆଜି ଡ଼ାକ୍ତର ହୋଇ ପାରିଛନ୍ତି । ଜୀବନର ସଂଘର୍ଷକୁ ପିଠି ନ ଦେଖାଇ ତା’ର ସାମ୍ନା କରିବା ସହ ସଫଳତା ହାସଲ କରି ଦେଖାଇଛନ୍ତି ଏହି ଯୁବତୀ । ଏ କାହାଣୀ ହେଉଛି କନୁର୍ର ପୂଭାଥୁର୍ରେ ରହୁଥିବା ଆସ୍ନାଙ୍କର । ତାଙ୍କୁ ଯେତେବେଳେ ବୟସ ୬ ବର୍ଷ ହୋଇଥିଲା ସେ କେବେ ଭାବି ନ ଥିଲେ କି ତାଙ୍କ ସହ ଏପରି କିଛି ଘଟିବ । ୨୦୦୦ମସିହାରେ ଘଟିଥିବା ଘଟଣା ତାଙ୍କ ଜୀବନର ମୋଡ଼କୁ ପୂରା ବଦଳାଇ ଦେଇଥିଲା । ୨୦୦୦ରେ ହୋଇଥିବା ଏକ ଦଳୀୟ ସଂଘର୍ଷର ଶିକାର ହୋଇ ସେ ନିଜ ଡ଼ାହାଣ ଗୋଡ଼ ହରାଇ ବସିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତାଙ୍କ ବାପା ନାନୁ ଜଣେ କଂଗ୍ରେସ କର୍ମୀ ହୋଇଥିବା ବେଳେ ବିରୋଧୀ ଦଳର ନେତାମାନେ କୌଣସି କାରଣରୁ ତାଙ୍କ ଉପରକୁ ବୋମା ଫିଙ୍ଗିଥିଲେ । ସେହି ସମୟରେ ଆସ୍ନା ବାହାରେ ଖେଳୁଥିବାରୁ ସେ ସେହି ଆକ୍ରମଣର ଶିକାର ହୋଇଥିଲୋ । ଏହି ଆକ୍ରମଣ ପରେ ସେ ତାଙ୍କ ଡ଼ାହାଣ ଗୋଡ଼ ହରାଇ ଥିବାରୁ ତାଙ୍କୁ ଡ଼ାକ୍ତରଖାନା ନିଆଯାଇ କୃତ୍ରିମ ଗୋଡ଼ ଲଗା ଯାଇଥିଲା । ଧୀରେ ଧୀରେ ବଡ଼ ହେବା ସହ ପ୍ରାୟ ୨୦ଟି କୃତ୍ରିମ ଗୋଡ଼ ବଦଳା ଯାଇ ଲଗା ଯାଇଥିଲା । ଏତେ ସବୁ ଅସୁବିଧା ସତ୍ତ୍ୱେ ମଧ୍ୟ ସେ ହାରି ନ ଯାଇ ସ୍କୁଲ ସରିବା ପରେ ଡ଼ାକ୍ତରୀ ପାଠ ପଢ଼ିବା ପାଇଁ ପ୍ରସ୍ତୁତି ଆରମ୍ଭ କରିଥିଲେ ।
୨୦୧୩ରେ ତାଙ୍କ ଆଶା ସଫଳ ହେବା ସହ ସେ ଡ଼ାକ୍ତରୀ ପରୀକ୍ଷାରେ ଉତ୍ତୀର୍ଣ୍ଣ ହୋଇ କୋଝିକୋଡ଼େ ମେଡ଼ିକାଲ କଲେଜରେ ନାମ ଲେଖାଇଥିଲେ । ପଢ଼ା ଆରମ୍ଭ ହେବା ପରେ ବାଧକ ସାଜିଲା ତାଙ୍କ ଗୋଡ଼ । କୃତ୍ରିମ ଗୋଡ଼ ପାଇଁ ତାଙ୍କୁ କଲେଜର ୩ ମହଲା ଉପରକୁ ଚଢ଼ିବା ଅସୁବିଧା ହୋଇଥିଲା । କିନ୍ତୁ ଆସ୍ନାଙ୍କ ଏହି ସମସ୍ୟାା ସମାଧାନ କରିଥିଲେ ରାଜ୍ୟ ସରକାର । ତାଙ୍କର ସୁବିଧା ପାଇଁ କଲେଜରେ ଲିପ୍ଟ୍ର ବ୍ୟବସ୍ଥା କରାଯାଇଥିଲା । ଶେଷରେ ଏତେ ସବୁ କଷ୍ଟର ଫଳ ତାଙ୍କୁ ମିଳିଛି ବୋଲି ସେ କହିଛନ୍ତି । ଶନିବାର ଏମ୍ବିବିଏସ୍ ପରୀକ୍ଷାରେ ସେ ଡ଼ିସ୍ଟିଣ୍ଟ୍କ୍ସନ ସହ ଉତ୍ତୀର୍ଣ୍ଣ ହେବା ପରେ ସରକାର ଏବଂ ପରିବାର ଲୋକଙ୍କୁ ଧନ୍ୟବାଦ ଜଣାଇଛନ୍ତି ।