୮ ବର୍ଷ ଧରି ପ୍ରେମରେ ସମୟ ନଷ୍ଟ କରିଥିବାରୁ ପ୍ରେମିକ ନାମରେ ମକଦ୍ଦମା ଦାୟର କଲେ ପ୍ରେମିକା
ଜାମ୍ବିଆ: ୮ ବର୍ଷ ଧରି ସାଙ୍ଗରେ ରହିବା ପରେ ବିବାହ ପାଇଁ ମନା କରିବାରୁ ଜଣେ ପ୍ରେମିକା, ପ୍ରେମିକ ନାମରେ ପୁଲିସ ନିକଟରେ ଅଭିଯୋଗ କରିଛନ୍ତି | ପୁଲିସ ନିକଟରେ ମହିଳା ଜଣକ ଅଭିଯୋଗ କରିଛନ୍ତି ଯେ ୮ ବର୍ଷ ଧରି ପ୍ରେମ କରିବା ପରେ ବି ବିବାହ କରିବାକୁ ପ୍ରେମିକ ଜଣକ ମନା କରିଦେଇଛନ୍ତି | ଆଉ ୮ ବର୍ଷ ଧରି ପ୍ରେମିକ ସମୟ ନଷ୍ଟ କରିଥିବାରୁ ସେ ମକଦ୍ଦମା ଦାୟର କରିଛନ୍ତି | ପ୍ରେମିକାଙ୍କର ବୟସ ୨୬ ବର୍ଷ ହୋଇଥିବାବେଳେ ତାଙ୍କ ନାମ ହେଉଛି ଗର୍ଟରୁଡ୍ ନାଗମା |
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାଟି ଆଫ୍ରିକୀୟ ଦେଶ ଜାମ୍ବିଆରେ ଘଟିଥିବାବେଳେ ନାଗମା ଅଭିଯୋଗ କରିଛନ୍ତି ଯେ, ପ୍ରେମିକ କେବେ ବି ବିବାହ ପାଇଁ ରାଜି ହେଉନଥିବାରୁ ମକଦ୍ଦମା ଦାୟର କରିବାକୁ ପଡିଛି । ନାଗମାଙ୍କ ପ୍ରେମିକଙ୍କ ନାମ ହର୍ବଟ ହୋଇଥିବାବେଳେ ଉଭୟଙ୍କର ଏକ ପୁତ୍ର ସନ୍ତାନ ଅଛି | ତେବେ ପ୍ରେମିକ କହିଛନ୍ତି ଯେ ଆର୍ଥିକ ଅବସ୍ଥା କାରଣରୁ ସେ ବିବାହ ପାଇଁ ପ୍ରସ୍ତୁତ ନୁହଁନ୍ତି।
କିନ୍ତୁ, ନାଗମା ପ୍ରେମିକଙ୍କର ଅନ୍ୟ ଝିଅଙ୍କ ସହ ସମ୍ପର୍କ ଥିବାର ସନ୍ଦେହ କରିଛନ୍ତି | ଆଉ ୮ ବର୍ଷ ଧରି ଅଯଥାରେ ସମୟ ନଷ୍ଟ କରିଥିବାରୁ ସେ ମକଦ୍ଦମା ଦାୟର କରିଛନ୍ତି |