ନୂଆଦିଲ୍ଲୀ : ଉତ୍ତରପ୍ରଦେଶର ବିଜନୌରରେ ଏକ ଅଦ୍ଭୁତ ଘଟଣା ଘଟିଛି । ନଡ଼ିଆ ଫଟାଇ ଏକ ସଡ଼କର ଉଦଘାଟନ ବେଳେ ସଡ଼କ ଖୋଳି ହୋଇଗଲା ମାତ୍ର ନଡ଼ିଆ ଫାଟିଲା ନାହିଁ ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ବିଜନୌରର ନହଟୋରଠାରେ ଜଳସେଚନ ବିଭାଗ ପକ୍ଷରୁ ଏକ ୭.୫ କିଲୋମିଟର ରାସ୍ତାର ପୁନର୍ନିର୍ମାଣ ୧ କୋଟି ୧୬ ଲକ୍ଷ ଟଙ୍କାର ବ୍ୟୟ ଅଟକଳରେ ହୋଇଥିଲା । ରାସ୍ତାର ଉଦଘାଟନ ପାଇଁ ବିଜନୌର ସଦର ବିଧାୟିକା ସୁଚୀ ମୌସମ ଚୌଧୁରୀ ମୁଖ୍ୟ ଅତିଥି ଭାବେ ଆସିଥିଲେ । କାର୍ଯ୍ୟକ୍ରମ ଅନୁସାରେ ସେ ଯେତେବେଳେ ସଡ଼କରେ ନଡ଼ିଆ ଫଟାଇଲେ, ନଡ଼ିଆ ତ ଫାଟିଲା ନାହିଁ କିନ୍ତୁ ସଡ଼କ ଖୋଳି ହୋଇ ଗାତ ହୋଇଗଲା । ସଡ଼କ ନିର୍ମାଣରେ ଲାଗିଥିବା ପିଚୁ ଓ ଚିପ୍ସ ବାହାରି ଆସିଥିଲା ।
This 7 km road in west UP’s Bijnor took 1.16 crores to renovate but when @BJP4UP MLA Suchi Chaudhary tried a coconut cracking ritual to formally inaugurate it , its the road that cracked open, she says …. pic.twitter.com/fvtaEEsNWf
— Alok Pandey (@alok_pandey) December 3, 2021
ସଡ଼କର ନିମ୍ନମାନର କାମକୁ ନେଇ ବିଧାୟିକା ଅସନ୍ତୋଷ ପ୍ରକାଶ କରିବା ସହ ସଡ଼କର ନମୁନା ନେଇ ତଦନ୍ତ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ଅଧିକାରୀମାନେ ସଡ଼କର ନମୁନା ନେବା ପର୍ଯ୍ୟନ୍ତ ପ୍ରାୟ ୩ ଘଣ୍ଟା ଧରି ବିଧାୟିକା ସେଠାରେ ଅପେକ୍ଷା କରି ରହିଥିଲେ ।
ଏପରି ନିମ୍ନ ମାନର କାମ କରି ଅର୍ଥ ଆତ୍ମସାତ କରିଥିବା ଲୋକମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ସେ ପ୍ରତିଶ୍ରୁତି ଦେଇଛନ୍ତି । ଏହା ସହିତ ସଡ଼କକୁ ପୁଣି ନିର୍ମାଣ କରିବାକୁ ସେ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି ବୋଲି କହିଛନ୍ତି ।