ଜେ କେ ଲୋନ୍ ହସ୍ପିଟାଲ୍ରେ ଶିଶୁ ମଡ଼କ: ହସ୍ପିଟାଲ୍ ବୁଲିଲେ ବାଚସ୍ପତି ବିର୍ଲା, ୧୫ ଦିନ ଭିତରେ ଡାକ୍ତରୀ ଉପକରଣ ଯୋଗାଇବାକୁ ଦେଲେ ପ୍ରତିଶ୍ରୁତି
କୋଟା: ରାଜସ୍ଥାନର କୋଟାଠାରେ ଥିବା ଜେ କେ ଲୋନ୍ ହସ୍ପିଟାଲ୍ରେ ଶିଶୁ ମଡ଼କ କମିବାର ନାଁ ନଧରୁଥିବା ବେଳେ ଲୋକସଭା ବାଚସ୍ପତି ଓମ୍ ବିର୍ଲା ରବିବାର ହସ୍ପିଟାଲ୍ ବୁଲି ସ୍ଥିତି ପରଖିଛନ୍ତି। ସେ ହସ୍ପିଟାଲ୍ ବୁଲି ଦେଖିବା ପରେ ହସ୍ପିଟାଲ୍ରେ ଆବଶ୍ୟକୀୟ ଭିତ୍ତିଭୂମି ଏବଂ ଡାକ୍ତରୀ ଉପକରଣର ଅଭାବ ରହିଛି ବୋଲି କହିଛନ୍ତି। ପୁୁରୁଣା ହୋଇଯାଇଥିବା ଉପକରଣଗୁଡ଼ିକ ଆଉ ଠିକ୍ ଭାବେ କାର୍ଯ୍ୟ କରୁନାହିଁ ବୋଲି ସେ ସୂଚନା ଦେଇଛନ୍ତି। ଖାଲି ସେତିକ ନୁହେଁ, ଆବଶ୍ୟକୀୟ ସାମଗ୍ରୀର ଏକ ଲିଖିତ ତାଲିକା ପ୍ରଦାନ କରିବାକୁ ସେ ଡାକ୍ତରଖାନା କର୍ତ୍ତୃପକ୍ଷଙ୍କୁ କହିବା ସହ ୧୫ ଦିନ ମଧ୍ୟରେ ଡାକ୍ତରଖାନାରେ ଆବଶ୍ୟକୀୟ ସାମଗ୍ରୀ ଉପଲବ୍ଧ ହେବ ବୋଲି ସେ ପ୍ରତିଶ୍ରୁତି ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
Rajasthan:Lok Sabha Speaker Om Birla,today,visited the hospital in Kota where death of newborns happened; says”There’s a lack of infrastructure&medical equipment. Many equipment are dysfunctional.I’ve asked for equipment requirement in writing, it’ll be made available in 15 days” pic.twitter.com/YRFaWFvVAF
— ANI (@ANI) December 29, 2019
ଉଲ୍ଲେଖଯୋଗ୍ୟ, କୋଟାଠାରେ ଥିବା ଜେ କେ ଲୋନ୍ ହସ୍ପିଟାଲ୍ରେ ଗତ ୨୪ ଦିନ ମଧ୍ୟରେ ୭୭ ଜଣ ଶିଶୁଙ୍କର ମୃତ୍ୟୁ ଘଟିଛି ବୋଲି ଶୁକ୍ରବାର ଅଭିଯୋଗ ଆସିଥିଲା। ମାସର ପ୍ରଥମ ୨୪ ଦିନରେ ୭୭ ଜଣ ଶିଶୁଙ୍କ ମୃତ୍ୟୁ ଘଟିଥିବା ବେଳେ କେବଳ ୪୮ ଘଣ୍ଟା ମଧ୍ୟରେ ୧୦ ଜଣ ଶିଶୁଙ୍କ ଜୀବନ ଯାଇଥିବା ଅଭିଯୋଗ ହେବା ପରେ ତଦନ୍ତ ନିର୍ଦ୍ଦେଶ ହୋଇଥିଲା।
ହସ୍ପିଟାଲ୍ର ଅବହେଳା ହେତୁ ଶିଶୁମାନଙ୍କ ମୃତ୍ୟୁ ଘଟୁଛି ବୋଲି ଅଭିଯୋଗ ହୋଇଥିବା ବେଳେ ହସ୍ପିଟାଲ୍ କିନ୍ତୁ ଏହାକୁ ଅସ୍ବୀକାର କରି ଶିଶୁମାନଙ୍କର ଅବସ୍ଥା ଗୁରୁତର ଥିବା ହେତୁ ସେମାନଙ୍କୁ ବଞ୍ଚାଇ ହେଉ ନାହିଁ ବୋଲି ସ୍ପଷ୍ଟୀକରଣ ଦେଇଥିଲା।