ନୂଆଦିଲ୍ଳୀ: ଲେଫ୍ଟନାଣ୍ଟ ଜେନେରାଲ ଉପେନ୍ଦ୍ର ଦ୍ୱିବେଦୀଙ୍କୁ ଶନିବାର ଦିନ ସ୍ଥଳସେନାର ଉପମୁଖ୍ୟ ପଦରେ ଅବସ୍ଥାପିତ କରାଯାଇଛି । ସେ ଏହା ପୂର୍ବରୁ ସେନାର କର୍ପସ-୯ର କମାଣ୍ଡର ପଦ ସମ୍ଭାଳୁଥିଲେ। ଶ୍ରୀ ଦ୍ୱିବେଦୀଙ୍କ ପୂର୍ବରୁ ସେନାର ଉପମୁଖ୍ୟ ଦାୟିତ୍ୱରେ ଥିଲେ ଜେନେରାଲ ଚଣ୍ଡିପ୍ରସାଦ ମହାନ୍ତି । ଏବେ ସେନାମୁଖ୍ୟ ପଦରେ ରହିଛନ୍ତି ଜେନେରାଲ ମନୋଜ ମୁକୁନ୍ଦ ନରୱାଣେ।
Sambad is now on WhatsApp
Join and get latest news updates delivered to you via WhatsApp
ନ୍ୟାସନାଲ୍ ଡିଫେନ୍ସ ଏକାଡୋମିର ପୂର୍ବତନ ଛାତ୍ର ଜେନେରାଲ ଦ୍ୱିବେଦୀ ୧୯୮୪ ମସିହା ଡିସେମ୍ବର ମାସରେ ଜମ୍ମୁ-କାଶ୍ମୀରର ୧୮ ବାଟାଲିୟନରେ ଭର୍ତ୍ତି ହୋଇଥିଲେ । ୩୫ ବର୍ଷରୁ ଦୀର୍ଘ କ୍ୟାରିୟର ମଧ୍ୟରେ ଚୌକିବଲଠାରେ ହୋଇଥିବା ବିଦ୍ରୋହକୁ ଦମନ କରିବାରେ ସଫଳ ହେବା ଓ ମଣିପୁର ଆସାମ ରାଇଫଲ ସେକ୍ଟରରେ ବାଟାଲିୟନର ନେତୃତ୍ୱ ନେଇ ସେ ବେଶ୍ ସଫଳତା ପାଇଥିଲେ ।
ଉଲ୍ଲେଖଯୋଗ୍ୟ, ଗତ ଫେବ୍ରୁଆରି ମାସରେ ଲେଫ୍ଟନାଣ୍ଟ ଜେନେରାଲ ଚଣ୍ଡି ପ୍ରସାଦ ମହାନ୍ତି ଏହି ପଦରେ ଅବସ୍ଥାପିତ ହୋଇଥିଲେ, ଯିଏକି ରବିବାର ଦିନ ଅବସର ନେଇଛନ୍ତି।