ମଧ୍ୟପ୍ରଦେଶ: ବୋରଓ୍ବେଲରେ ଫସିଥିବା ବାଳକ ତନ୍ମୟର ନିକଟତର ହେଲେ ଉଦ୍ଧାରକାରୀ ଦଳ
ଭୋପାଳ: ମଧ୍ୟପ୍ରଦେଶର ବୈତୁଲର ମାଣ୍ଡଭି ଗ୍ରାମରେ ଏକ ବୋରୱେଲରେ ଫସିଥିବା ତନ୍ମୟର ନିକଟତର ହୋଇଛି ଉଦ୍ଧାରକାରୀ ଦଳ । ଦୀର୍ଘ ୫୪ ଘଣ୍ଟାର ପରିଶ୍ରମ ପରେ ଉଦ୍ଧାରକାରୀ ଦଳ ତନ୍ମୟ ପାଖରେ ପହଞ୍ଚି ପାରିଛନ୍ତି । ବୋରଓ୍ବେଲଟି ୪୦୦ ଫୁଟ ଗଭୀର ହୋଇଥିବାବେଳେ ପିଲାକୁ ବାହାର କରିବା ପାଇଁ ବୋରଓ୍ବେଲ ସହ ସମାନ୍ତରାଳ ଭାବେ ଏକ ୪୪ ଫୁଟ ଗାତ ଖୋଳାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଉଦ୍ଧାର କାର୍ଯ୍ୟର ତଦାରଖ କରୁଥିବା ହୋମଗାର୍ଡ କମାଣ୍ଡାଣ୍ଟ ଏସଆର ଆଜମୀ କହିଛନ୍ତି ଯେ ତନ୍ମୟ ବୋରୱେଲରେ ୩୯ ଫୁଟରେ ଫସି ରହିଛି । କିନ୍ତୁ କ୍ରମାଗତ ପାଣି ବାହାରିବା ଯୋଗୁଁ ଗାତର ଗଭୀରତା ଆଉ ଅଧିକ ବୃଦ୍ଧି କରାଯାଇପାରୁ ନାହିଁ । ଏହି ଗାତରୁ ବୋରଓ୍ବେଲକୁ ଏକ ୧୧ ଫୁଟର ସୁଡ଼ଙ୍ଗ ନିର୍ମାଣ କାମ ଜାରି ରହିଛି । କିନ୍ତୁ ପଥର ରହିଥିବାରୁ ଏହି କାମରେ ଅସୁବିଧା ଉପୁଜୁଛି । ଏହି କାରଣରୁ ତନ୍ମୟକୁ ଉଦ୍ଧାର କରିବାରେ ବିଲମ୍ବ ହେଉଛି । ବର୍ତ୍ତମାନ ଉଦ୍ଧାରକାରୀ ଦଳ ତନ୍ମୟ ପାଖରେ ପହଞ୍ଚି ଯାଇଥିବାରୁ ଆଶା କରାଯାଉଛି ତନ୍ମୟକୁ ଯଥାଶୀଘ୍ର ଉଦ୍ଧାର କରାଯିବ ।