ଭୋପାଳ: କରୋନା କାଳରେ ଲୋକମାନେ ଚାକିରି ହରାଇ ଦେଇଛନ୍ତି, ଅନେକଙ୍କ ଦରମା କଟିକି ଆସୁଛି। ସ୍କୁଲ ଅନେକ ଦିନ ହେବ ବନ୍ଦ ରହିଛି। ଏହା ସତ୍ତ୍ବେ ବି ଅନେକ ସ୍କୁଲ ଅଭିଭାବକଙ୍କ ଠାରୁ ମୋଟା ଅଙ୍କର ଫିସ ଆଦାୟ କରୁଛି। ଏଥିପାଇଁ ଅନେକ ଅଭିଭାବକ ନିଜ ପିଲାଙ୍କୁ ଘରୋଇ ସ୍କୁଲରୁ ଆଣି ସରକାରୀ ସ୍କୁଲରେ ଭର୍ତ୍ତି କରୁଛନ୍ତି। ମଧ୍ୟପ୍ରଦେଶର କିଛି ଅଭିଭାବକ ଏନେଇ ଅଭିଯୋଗ ପାଇଁ ଯେତେବେଳେ ରାଜ୍ୟର ଶିକ୍ଷାମନ୍ତ୍ରୀଙ୍କ ପାଖରେ ପହଞ୍ଚିଥିଲେ ସେ ରାଗି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶ ଶିକ୍ଷାମନ୍ତ୍ରୀ ଇନ୍ଦର ସିଂହ ପରମାର ଅଭିଭାବକମାନଙ୍କୁ କହିଥିଲେ, ‘ଯାଅ ମରି ଯାଅ’। ଶିକ୍ଷାମନ୍ତ୍ରୀଙ୍କ ଏହି ବୟାନ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବିରୋଧୀ ପାର୍ଟି କଂଗ୍ରେସ ଶିକ୍ଷାମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି।
स्कूली बच्चों के पिता से बोले मंत्री,
—मरना है तो मर जाओ, फीस माफ नहीं होगी;महामारी में बच्चों की फीस माफ करने की गुहार लगाने अभिभावक स्कूल शिक्षा मंत्री इंदर सिंह परमार के बंगले पहुंचे तो अहंकारी मंत्री ने मरने का सुझाव दिया।
शिवराज जी,
आप भी याद रखना, हम भी याद रखेंगे। pic.twitter.com/Ws09uPMRYI— MP Congress (@INCMP) June 29, 2021
ପ୍ରକାଶିତ ରିପୋର୍ଟ ମୁତାବକ, ପିଲାଙ୍କ ମା’ ବାପା ସ୍କୁଲ ଫିସ ଭରିବା ଘଟଣାକୁ ନେଇ ଶିକ୍ଷାମନ୍ତ୍ରୀ ଇନ୍ଦର ସିଂହ ପରମାରଙ୍କ ପାଖକୁ ଯାଇଥିଲେ। ସେଠାରେ ପହଞ୍ଚି ଅଭିଭାବକମାନେ କହିଥିଲେ କି, ଯଦି ସରକାର କିଛି କରିବ ନାହିଁ ତେବେ କ’ଣ ମରିଯିବୁ? ଏହି କଥାକୁ ଶୁଣିବା ପରେ ଶିକ୍ଷାମନ୍ତ୍ରୀ ରାଗି ଯାଇ ଅଭିଭାବକମାନଙ୍କୁ କହିଥିଲେ, ‘ଯାଅ ମରି ଯାଅ’