ପ୍ରଶାସନ ନୁହେଁ, ଆତଙ୍କବାଦୀ କାର୍ଯ୍ୟକଳାପ ଚାଲିଥିବାର ସନ୍ଦେହରେ ସ୍ଥାନୀୟ ଲୋକ ଭାଙ୍ଗିଦେଲେ ମଦ୍ରାସା
ଗୌହାଟୀ: ନିକଟରେ ଆସାମ ସରକାର ଦେଶବିରୋଧୀ କାର୍ଯ୍ୟକଳାପ ଚାଲିଥିବାର ପ୍ରମାଣ ପାଇବା ପରେ ତିନୋଟି ମଦ୍ରାସା ଭାଙ୍ଗି ଦେଇଥିଲେ। ଏବେ ଆଉ ଏକ ମଦ୍ରାସା ଭଙ୍ଗାଯାଇଛି | ଯଦିଓ ଏଥିରେ ପ୍ରଶାସନର ହାତ ନାହିଁ। ଏଥର ମଦ୍ରାସାରେ ଚାଲିଥିବା ଜିହାଦି କାର୍ଯ୍ୟକଳାପକୁ ବିରୋଧ କରି ଜନଆକ୍ରୋଶ ଦେଖାଯାଇଥିଲା ଏବଂ ଏହାକୁ ସ୍ଥାନୀୟ ଲୋକ ଭାଙ୍ଗି ଦେଇଛନ୍ତି । ଆସାମର ଗୋପାଳପାରା ଜିଲ୍ଲାର ପାଖୀଉରାରେ ସ୍ଥାନୀୟ ଲୋକ ଏକ ମଦ୍ରାସାକୁ ଭାଙ୍ଗିଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ଆସାମ ପୁଲିସର ସୂଚନା ଅନୁଯାୟୀ, ଏହି ମଦ୍ରାସାରେ ଦୁଇ ଜଣ ବାଂଲାଦେଶୀ ରହୁଥିଲେ ଏବଂ ସେମାନେ ଜିହାଦି କାର୍ଯ୍ୟକଳାପ ଚଳାଉଥିଲେ। ଦୁହେଁ ବର୍ତ୍ତମାନ ଫେରାର ଥିବାବେଳେ ଏହି ମଦ୍ରାସା ଚଳାଉଥିବା ମୌଲବୀ ଜାଲାଲୁଦ୍ଦିନ ଶେଖଙ୍କୁ କିଛି ଦିନ ପୂର୍ବରୁ ଗିରଫ କରାଯାଇଥିଲା। କୁହାଯାଉଛି ଯେ ଶେଖ ବାଂଲାଦେଶୀ ନାଗରିକଙ୍କୁ ଶିକ୍ଷକ ଭାବରେ ନିଯୁକ୍ତ କରିଥିଲା । ଉଭୟେ ଅଲ-କାଏଦା ଭାରତୀୟ ଉପମହାଦ୍ଵୀପ ଏବଂ ଅନସରୁଲ୍ଲା ବଙ୍ଗଳା ଦଳର ସଦସ୍ୟ ଥିଲେ। ପୁଲିସ ଅଧିକାରୀଙ୍କ କହିବାନୁସାରେ, ଜିହାଦି କାର୍ଯ୍ୟକଳାପ ବିରୋଧରେ ଲୋକଙ୍କ ମଧ୍ୟରେ କ୍ରୋଧ ଥିଲା | ଆଉ ଲୋକମାନେ କେବଳ ମଦ୍ରାସା ଭାଙ୍ଗି ନଥିଲେ ବରଂ ଏଠାରେ ନିର୍ମିତ ଘର ମଧ୍ୟ ଭାଙ୍ଗି ଦେଇଥିଲେ ।
ସୂଚନା ଥାଉ କି ଯେ ଅତୀତରେ ଆସାମ ସରକାର ମୋରିଗାଓଁ, ବାରପେଟା ଏବଂ ବଙ୍ଗାଇଗାଓଁ ଜିଲ୍ଲାର ତିନୋଟି ମଦ୍ରାସା ଭାଙ୍ଗିଦେଇଥିଲେ । ଆତଙ୍କବାଦୀ କାର୍ଯ୍ୟକଳାପ ବିରୋଧରେ ଆସାମ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି। ଗତ ତିନି ମାସ ମଧ୍ୟରେ ପ୍ରାୟ ୩୭ ଜଣ ଗିରଫ ହୋଇଛନ୍ତି।