/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2023/04/Bus-Accident-in-Maharashtra_13-Dies_Thumbnail.jpg)
ଲୋନାବଲା: ଶୁକ୍ରବାର ପାହାନ୍ତାରେ ମହରାଷ୍ଟ୍ରର ରାୟଗଢ଼ ଜିଲ୍ଲାରେ ଗୋଟାଏ ବସ୍ ଖାଇରେ ଖସିପଡ଼ିବାରୁ ଅନ୍ୟୂନ ୧୩ଜଣ ଯାତ୍ରୀଙ୍କର ମୃତ୍ୟୁ ଘଟିଥିବା ବେଳେ ୨୫ ଉର୍ଦ୍ଧ୍ବ ଯାତ୍ରୀ ଆହତ ହୋଇଥିବା କଥା ପୁଲିସ କହିଛି।
ପୁଣେର ପିମ୍ପଲ୍ ଗୁରବରୁ ଜର୍ଜଗାଓଁ ଯାଉଥିବା ବେଳେ ପାହାନ୍ତା ୪.୩୦ରେ ପୁଣେ-ରାୟଗଢ଼ ସୀମାନ୍ତରେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣା ସମୟରେ ବସ୍ରେ ୪୧ଜଣ ଯାତ୍ରୀ ଥିଲେ। ଏବେ ଘଟଣାସ୍ଥଳରେ ଉଦ୍ଧାର ଅଭିଯାନ ଚାଲିଛି।
/sambad/media/post_attachments/wp-content/uploads/2023/04/bus-crash1.jpg "publive-image")
Image Courtesy of India Todayରାୟଗଢ଼ ପୁଲିସ ସୁପରିଣ୍ଟେଣ୍ଡେଣ୍ଟ୍ ସୋମନାଥ ଘାର୍ଗେ ଗଣମାଧ୍ୟମକୁ କହିଛନ୍ତି, ରାୟଗଢ଼ର ଖୋପୋଲି ଅଞ୍ଚଳରେ ବସ୍ଟି ଖାଇରେ ପଡ଼ିଯିବାରୁ ୧୩ଜଣଙ୍କର ମୃତ୍ୟ ଘଟିଥିବା ବେଳେ ୨୫ଜଣ ଆହତ ହୋଇଛନ୍ତି। ଉଦ୍ଧାର କାର୍ଯ୍ୟ ଚାଲିଛି।
ଆଉ ଜଣେ ପୁଲିସ ଅଧିକାରୀ କହିଛନ୍ତି ଯେ, ଏହି ଘରୋଇ ବସ୍ଟି ପୁଣେରୁ ମୁମ୍ବାଇ ଯାଉଥିବା ବେଳେ ପୁରୁଣା ମୁମ୍ବାଇ-ପୁଣେ ରାଜପଥର ସିଂଗ୍ରୋବା ମନ୍ଦିର ନିକଟରେ ଥିବା ଖାଇକୁ ଖସିପଡ଼ିଥିଲା।
/sambad/media/post_attachments/wp-content/uploads/2023/04/bus-crash.jpg "publive-image")
Image Courtesy of India TV Newsସଂଗୃହୀତ ସୂଚନା ଅନୁସାରେ, ଗୌରେଗାଓଁ ଅଞ୍ଚଳର ଗୋଟାଏ ସଂସ୍ଥା ସହିତ ସମ୍ପୃକ୍ତ ଥିବା କିଛି ଲୋକ ପୁଣେରେ ଆୟୋଜନ କରାଯାଇଥିବା କାର୍ଯ୍ୟକ୍ରମରେ ଯୋଗ ଦେବା ପାଇଁ ଯାଇଥିଲେ। ପୁଣେରୁ ଫେରିବା ବାଟରେ ବସ୍ଟି ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାର କାରଣ ଜଣାପଡ଼ିନାହିଁ।
ଖାଇରୁ ବସ୍କୁ ଉଠାଇବା ପାଇଁ କ୍ରେନ୍ ଅଣାଯିବାର ବ୍ୟବସ୍ଥା କରାଯାଇଛି।
