ମୁମ୍ବାଇ ଲୋକାଲକୁ ଉଡ଼ାଇବାର ଧମକ ଦେଲା ଅଲ୍କାଏଦା ଆତଙ୍କବାଦୀ ସଂଗଠନ, ସତର୍କ କରାଇଲା ସୁରକ୍ଷା ଏଜେନ୍ସି
ମୁମ୍ବାଇ : ଦେଶର ଅର୍ଥନୈତିକ ରାଜଧାନୀ ମୁମ୍ବାଇ ଉପରେ ସବୁବେଳେ ଆତଙ୍କବାଦୀ ସଂଗଠନର ନଜର ରହି ଆସିଛି । ପୂର୍ବରୁ ମୁମ୍ବାଇରେ ଆତଙ୍କବାଦୀମାନେ ଭୟଙ୍କର ବିସ୍ଫୋରଣ କରିଥିବା ବେଳେ ଏବେ ଅଲ୍କାୟଦା ଆତଙ୍କବାଦୀ ସଂଗଠନ ମୁମ୍ବାଇର ଲାଇଫ୍ ଲାଇନ୍ କୁହାଯାଉଥିବା ମୁମ୍ବାଇ ଲୋକାଲକୁ ଉଡାଇବାର ଧମକ ଦେଇଥିବା ଜଣାପଡ଼ିଛି । ଶୁକ୍ରବାର ସକାଳ ସମୟରେ ଏହି ଧମକ ମିଳିବା ପରେ ପୂରା ମୁମ୍ବାଇବାସୀଙ୍କ ମନରେ ଆତଙ୍କ ଖେଳି ଯାଇଛି । ଏହି ସନ୍ଦେଶ ଆତଙ୍କବାଦୀ ସଂଗଠନ ଏକ ମେଲ୍ ପଠାଇ ପୁଲିସକୁ ଜଣାଇଥିବା ବେଳେ ଏ ବିଷୟରେ ଜାଣି ଉଭୟ ପୁଲିସ ଏବଂ ସୁରକ୍ଷା ଏଜେନ୍ସି ସତର୍କ ହୋଇ ଯାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, କୁଖ୍ୟାତ ଆତଙ୍କବାଦୀ ଅଲକାଏଦା ସଂଗଠନ ମୁମ୍ବାଇ ଲୋକାଲ ଟ୍ରେନ୍ ଲାଇନ୍ ଉଡ଼ାଇବା ଧମକ ଏକ ମେସେଜ ମାଧ୍ୟମରେ ଦେଇଛି । ଏହି ମେସେଜଟି ପଶ୍ଚିମ ରେଳବାଇ ବିଭାଗକୁ ପଠା ଯାଇଥିବା ଜଣାପଡ଼ିଛି । ଏହି ମେସେଜ ପାଇବା ପରେ ମୁମ୍ବାଇ ଲୋକାଲର ସୁରକ୍ଷା ବ୍ୟବସ୍ଥାକୁ କଡ଼ା କଡ଼ି କରିଛି ସୁରକ୍ଷା ଏଜେନ୍ସି । କୌଣସି ଅଜଣା ବ୍ୟକ୍ତିଙ୍କ ଉପରେ ସନ୍ଦେହ ଆସିଲେ ତାଙ୍କୁ ତୁରନ୍ତ ଗିରଫ କରାଯିବାକୁ ନିର୍ଦ୍ଦେଶ ଦିଆଯାଇଛି ।