ଶରଦ ପାଓ୍ଵାରଙ୍କ ନିବାସରେ ବୈଠକ ପରେ ପୃଥ୍ଵୀରାଜ ଚୌହାନ କହିଲେ- ରାଜ୍ୟରୁ ହଟାଇବେ ରାଷ୍ଟ୍ରପତି ଶାସନ
ନୂଆଦିଲ୍ଲୀ/ମୁମ୍ବାଇ: ମହାରାଷ୍ଟ୍ରରେ ସରକାର ଗଢ଼ିବା ନେଇ ବିଗତ କିଛି ଦିନ ହେବ ଉଦ୍ୟମ କରୁଥିବା ଶିବସେନା, ଏନସିପି ଓ କଂଗ୍ରେସ ବୁଧବାର ଆଗକୁ ଅଗ୍ରସର ହୋଇଛନ୍ତି। ଦିଲ୍ଲୀରେ ଏନସିପି ମୁଖ୍ୟ ଶରଦ ପାଓ୍ଵାରଙ୍କ ନିବାସରେ ବୈଠକ ପରେ କଂଗ୍ରେସ ନେତା ପୃଥ୍ଵୀରାଜ ଚୌହାନ କହିଛନ୍ତି, ରାଜ୍ୟରେ ଏକ ସ୍ଥିର ସରକାରର ଆବଶ୍ୟକତା ରହିଛି।
Sambad is now on WhatsApp
Join and get latest news updates delivered to you via WhatsApp
Nawab Malik: Congress-NCP together decided that we must give an alternate govt in Maharashtra. It is not possible without NCP-Congress-Shiv Sena coming together. We are trying our best to resolve all issues. We will provide alternate govt as soon as possible. https://t.co/51osLVVtDA pic.twitter.com/TXG0npr5nM
— ANI (@ANI) November 20, 2019
ସେ କହିଛନ୍ତି ଯେ, ଆମମାନଙ୍କ ମଧ୍ୟରେ ସକାରାତ୍ମକ ଆଲୋଚନା ହୋଇଛି। ରାଜ୍ୟରେ ରାଷ୍ଟ୍ରପତି ଶାସନ ହଟାଇବାର ଆବଶ୍ୟକତା ରହିଛି। ଏହା ବ୍ୟତୀତ ଏନସିପି ନେତା ନଓ୍ଵାବ ମଲିକ କହିଛନ୍ତି ରାଜ୍ୟରେ ଶିବସେନା, କଂଗ୍ରେସ ଓ ଏନସିପି ବ୍ୟତୀତ ସରକାର ଗଢ଼ାଯାଇ ପାରିବ ନାହିଁ। ଉଭୟ ନେତାଙ୍କ ବୟାନରୁ ଜଣାପଡୁଛି ଯେ, କଂଗ୍ରେସ ଶିବସେନା ସହିତ ମେଣ୍ଟକୁ ମଂଜୁରୀ ଦେଇଛି।
ପୃଥ୍ଵୀରାଜ ଚୌହାନ କହିଛନ୍ତି, ଏନସିପି ଓ କଂଗ୍ରେସ ମଦ୍ୟରେ ରାଜ୍ୟରେ ରାଷ୍ଟ୍ରପତି ଶାସନ ହଟାଇବା ନେଇ ଆଲୋଚନା ହୋଇଛି। ସେ କହିଛନ୍ତି ଯେ ରାଜ୍ୟରେ କିଛି ଦିନ ହେବ ଅସ୍ଥିରତା ଦେଖାଯାଇଛି ଏବଂ ଏହି ସମସ୍ୟା ଦୂର ହେବା ପାଇଁ ଏକ ମଜବୁତ ସରକାର ଦରକାର ଅଛି।