ମୁମ୍ବାଇ : ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ପଛରେ କୌଣସି ଭୂମିକା ନାହିଁ ବୋଲି ବିଜେପି ପକ୍ଷରୁ ବାରମ୍ବାର କୁହାଯାଉଥିଲେ ବି ବିଜେପିକୁ ନେଇ ସଂଦେହ ବଢିବାରେ ଲାଗିଛି । ଗଣମାଧ୍ୟମ ସୂଚନା ଅନୁସାରେ ଶିବସେନାର ବିଦ୍ରୋହୀ ବିଧାୟକ ଏକନାଥ ସିନ୍ଦେ ଶୁକ୍ରବାର ରାତିରେ ଗୁଜୁରାଟର ଭରୋଦରାଠାରେ ବିଜେପି ନେତା ଦେବେନ୍ଦ୍ର ଫଡନବୀଶଙ୍କୁ ସାକ୍ଷାତ କରିଥିଲେ । ମହାରାଷ୍ଟ୍ରରେ ସରକାର ଗଠନ ସଂପର୍କରେ ଉଭୟ ନେତା ଆଲୋଚନା କରିଥିବା କୁହାଯାଉଛି । ଗୃହମନ୍ତ୍ରୀ ଅମିତ ଶାହା ମଧ୍ୟ ଗତ କାଲି ଭଦୋଦରାରେ ଥିବା କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ବିଦ୍ରୋହୀ ପକ୍ଷ ଏକ ନୂଆ ଦଳ ଗଠନ କରି ତାହାକୁ ଶିବସେନା ବାଲାସାହେବ ଭାବେ ନାମିତ କରିବାକୁ ଘୋଷଣା କରିବା ପରେ ତାହାକୁ ବିରୋଧ କରିଛି ଶିବସେନା ଓ ଏହାର ସୁପ୍ରିମୋ ଉଦ୍ଧବ ଠାକରେ । ବାଲାସାହେବଙ୍କ ନାମର ଦୁରୁପଯୋଗ ବିରୋଧରେ ଶିବସେନା ନିର୍ବାଚନ ଆୟୋଗଙ୍କ ଦ୍ବାରସ୍ଥ ହୋଇଛି ।
ଆଜି ଅନୁଷ୍ଠିତ ଶିବସେନା ଜାତୀୟ କାର୍ଯ୍ୟକାରିଣୀରେ ବିଦ୍ରୋହୀ ବିଧାୟକମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଉଦ୍ଧବ ଠାକରେଙ୍କୁ କ୍ଷମତା ଅର୍ପଣ କରାଯାଇଛି । ଏହା ସହିତ ଦଳକୁ ଧୋକା ଦେଇଥିବା ବିଧାୟକମାନଙ୍କ ବିରୋଧରେ ଏକ ନିନ୍ଦା ପ୍ରସ୍ତାବଆଗତ ହୋଇଛି ।
ଶିବସେନା ଓ ବାଲାସାହେବ ଠାକରେ ଗୋଟିଏ ମୁଦ୍ରାର ଦୁଇ ପାଖ ବୋଲି ଉଦ୍ଧବ କହିଛନ୍ତି ।