ଗୁଜୁରାଟରେ ବଢୁଛି ଆମ୍ ଆଦମୀ ପାର୍ଟିର ଶକ୍ତି, ଦଳରେ ଯୋଗଦେଲେ ହୀରା ବ୍ୟବସାୟୀ ମହେଶ ସବାନୀ
ନୂଆଦିଲ୍ଲୀ: ଗୁଜୁରାଟରେ ବଢୁଛି ଆମ୍ ଆଦମୀ ପାର୍ଟିର ଶକ୍ତି । ଦଳରେ ଯୋଗଦେଲେ ହୀରା ବ୍ୟବସାୟୀ ମହେଶ ସବାନୀ । ଦେଶରେ ଆମ୍ ଆଦମୀ ପାର୍ଟିର ପ୍ରସ୍ତୁତି ଦେଖି ଅନୁମାନ କରାଯାଉଛି କି ଆଗମୀ ଦିନରେ ବିଜେପିର ବିକଳ୍ପ ଭାବେ ଆପ୍ ହିଁ ସାମ୍ନାକୁ ଆସିବ | ପଞ୍ଜାବ ପରେ ଆଜି ଗୁଜୁରାଟରେ ବି ଜଣେ ପରିଚିତ ବ୍ୟକ୍ତି ଆପରେ ଯୋଗ ଦେଇଛନ୍ତି । ୩ ହଜାର ଗରିବ ଝିଅଙ୍କ ବାହାଘର କରାଇ ଦିନେ ଚର୍ଚ୍ଚାରେ ଥିବା ସୁରଟର ହୀରା ବ୍ୟବସାୟୀ ମହେଶ ସବାନୀ ଆମ୍ ଆଦମୀ ପାର୍ଟିରେ ଯୋଗ ଦେଇଛନ୍ତି । ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଆଜି ଔପଚାରିକ ଭାବେ ମହେଶ ସବାନୀଙ୍କୁ ଦଳରେ ସାମିଲ କରାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
GOOD NEWS‼️
A leading businessman & a philanthropist from Surat, Gujarat – Shri Mahesh Savani ji joins AAP in the presence of Delhi’s Dy CM Shri @msisodia #હવે_બદલાશે_ગુજરાત pic.twitter.com/qvEnTzD75v
— AAP (@AamAadmiParty) June 27, 2021
ପ୍ରଧାନମନ୍ତ୍ରୀଙ୍କ ନିଜ ରାଜ୍ୟ ଗୁୁଜୁରାଟରେ ଏଭଳି ଜଣେ ପ୍ରତିଷ୍ଠିତ ବ୍ୟବସାୟୀ ଆପରେ ଯୋଗଦେବା ନେଇ ରାଜନୀତି ଜୋର ଧରିଛି । ଗୁଜୁରାଟ ରାଜନୀତିରେ ମୁଖ୍ୟ ଭୂମିକା ଗ୍ରହଣ କରୁଥିବା ପଟିଦାର ସଂପ୍ରଦାୟରୁ ଆସିଛନ୍ତି ହୀରା ବ୍ୟବସାୟୀ ମହେଶ ସବାନୀ । ୫୧ ବର୍ଷିୟ ସବାନୀ ହୀରା ବ୍ୟବସାୟ ସହିତ ଗରୀବ ଝିଅମାନଙ୍କର ସାମୁହିକ ବିବାହ କରି ବେସ୍ ପ୍ରଶଂସିତ ହୋଇଛନ୍ତି । ସେ ଆପ୍ ରେ ସାମିଲ ହେବା ପରେ କହିଛନ୍ତି କି ସେ କେବଳ ସୁରଟ ପାଇଁ ନୁହେଁ ପୁରା ଗୁଜୁରାଟରେ ଦଳ ପାଇଁ କାମ କରିବାକୁ ଚାହୁଁଛନ୍ତି ।
ସୂଚନା ଥାଉକି କିଛିଦିନ ପୂର୍ବରୁ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ ଗୁଜୁରାଟ ଗସ୍ତ ବେଳେ କହିଥିଲେ କି ଆଗାମୀ ବିଧାନସଭା ନିର୍ବାଚନରେ ଗୁଜୁରାଟର ସମସ୍ତ ଆସନରେ ଆପ୍ ପ୍ରାର୍ଥୀ ଦେବ ।