କାଶୀ ବିଶ୍ୱନାଥ, ସାରନାଥ ବୌଦ୍ଧପୀଠ ଓ ଭେଙ୍କଟେଶ୍ୱରଙ୍କୁ ଦର୍ଶନ କରିବେ ଶ୍ରୀଲଙ୍କାର ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ
ନୂଆଦିଲ୍ଲୀ: ରବିବାର ଦିନ ଶ୍ରୀଲଙ୍କାର ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ ଉତ୍ତର ପ୍ରଦେଶରେ ପହଞ୍ଚି କାଶୀ ବିଶ୍ୱନାଥ ମନ୍ଦିର ଏବଂ ସାରନାଥ ବୌଦ୍ଧ ମନ୍ଦିର ଦର୍ଶନ କରିବେ। ତାଙ୍କ ଗସ୍ତ ନିମନ୍ତେ ଉତ୍ତର ପ୍ରଦେଶ ସରକାର ନିରାପତ୍ତା ବ୍ୟବସ୍ଥା ସୁଦୃଢ଼ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରଥମେ ରାଜପକ୍ଷେ କାଶୀ ବିଶ୍ୱନାଥ ମନ୍ଦିରରେ ପୂଜାର୍ଚ୍ଚନା କରିବେ। ତା’ପରେ ଅପରାହ୍ଣରେ ସେଠାରୁ ସାରନାଥ ଯିବେ। ସେଠାରେ ରାତ୍ରୀଯାପନ କରି ସୋମବାର ଦିନ ସେ ବିମାନ ଯୋଗେ ବିହାରସ୍ଥିତ ବୋଧଗୟା ଯାତ୍ରା କରିବେ। ସେ ଦିନ ସେ ବୋଧଗୟା କେନ୍ଦ୍ରରେ ମହାବୋଧି ମନ୍ଦିର ଦର୍ଶନ କରିବେ। ଏହା ପରେ ସେ ତିରୁପତି ନିକଟ ରେନିଗୁଣ୍ଟା ବିମାନ ବନ୍ଦରରେ ପହଞ୍ଚିବେ। ମଙ୍ଗଳବାର ଦିନ ତିରୁମାଲା ନିକଟବର୍ତ୍ତୀ ପ୍ରାଚୀନ ପର୍ବତ ମନ୍ଦିରରକୁ ଯାଇ ପ୍ରଭୁ ଭେଙ୍କଟେଶ୍ୱରଙ୍କୁ ଦର୍ଶନ କରିବେ। ଏହା ପରେ ସେ ବିମାନ ଯୋଗେ କଲମ୍ବୋ ଫେରିଯିବେ।
ପାଞ୍ଚଦିନିଆ ଗସ୍ତରେ ଆସି ରାଜପକ୍ଷେ ଫେବ୍ରୁଆରି ୮ ତାରିଖ ଦିନ ଭାରତରେ ପହଞ୍ଚିଛନ୍ତି। ଗତକାଲି ସେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟି ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ।
ଏ ଥୋଣ୍ଡାମାନ ଏବଂ କେଏନ୍ ଦେବାନନ୍ଦ ନାମକ ଦୁଇ ମନ୍ତ୍ରୀଙ୍କ ସହ ୧୯ଜଣିଆ ଶ୍ରୀଲଙ୍କୀୟ ପ୍ରତିନିଧି ଦଳ ତାଙ୍କ ସହ ଆସିଛନ୍ତି।