ପ୍ରଶ୍ନ ପାଇଁ ଲାଞ୍ଚ ନେବା ଅଭିଯୋଗରେ ସଂସଦରୁ ବହିଷ୍କୃତ ହେଲେ ମହୁଆ ମୈତ୍ର

ନୂଆଦିଲ୍ଲୀ: ତୃଣମୂଳ କଂଗ୍ରେସ ନେତ୍ରୀ ମହୁଆ ମୈତ୍ରଙ୍କ ବିରୋଧରେ ’କ୍ୟାସ୍‌ ଫର୍‌ କ୍ୱେରି’ ଅଭିଯୋଗ ନେଇ ସଦାଚାର କମିଟି ରିପୋର୍ଟ ଆସିବା ପରେ ତାଙ୍କୁ ଲୋକସଭାରୁ ବହିଷ୍କାର କରାଯାଇଛି। ସଂସଦରେ ନରେନ୍ଦ୍ର ମୋଦୀ ସରକାରଙ୍କୁ ସମାଲୋଚନା କରୁଥିବା ପ୍ରଶ୍ନ ପଚାରିବା ବଦଳରେ ବ୍ୟବସାୟୀ ଦର୍ଶନ ହିରାନନ୍ଦାନୀଙ୍କ ଠାରୁ ନଗଦ ୨କୋଟି ଟଙ୍କା ଓ ବିଳାସପୂର୍ଣ୍ଣ ଉପହାର ସାମଗ୍ରୀ ସମେତ ଲାଞ୍ଚ ନେଇଥିବା ଅଭିଯୋଗ ହୋଇଛି।

ହିରାନନ୍ଦାନୀ ସିଧାସଳଖ ପ୍ରଶ୍ନ ପୋଷ୍ଟ କରିବା ପାଇଁ ସଂସଦୀୟ ୱେବସାଇଟରେ ଥିବା ଏକ ଗୋପନୀୟ ଆକାଉଣ୍ଟରେ ଲଗ-ଇନ୍‌ ପ୍ରମାଣପତ୍ର ପ୍ରଦାନ କରିଥିବା ଅଭିଯୋଗ ହୋଇଛି। ମୋଦୀ ସରକାରଙ୍କ ଜଣେ ତୀବ୍ର ସମାଲୋଚକ ମୈତ୍ର ଲାଞ୍ଚ ଅଭିଯୋଗକୁ ଅସ୍ୱୀକାର କରିଛନ୍ତି କିନ୍ତୁ ଲଗ-ଇନ୍‌ ବିବରଣୀ ସେୟାର କରିଥିବା ସ୍ୱୀକାର କରିଛନ୍ତି।

ଆଜି ସଦାଚାର କମିଟି ଏହାର ରିପୋର୍ଟ ଉପସ୍ଥାପନ କରିବା ପରେ ଶ୍ରୀମତୀ ମୈତ୍ରଙ୍କ ଦଳ ଟିଏମ୍‌ସି ସମେତ ଶାସକ ବିଜେପି ଓ ବିରୋଧୀଙ୍କ ମଧ୍ୟରେ ତୀବ୍ର ବିବାଦ ସୃଷ୍ଟି ହୋଇଥିଲା। ରିପୋର୍ଟ ଉପସ୍ଥାପିତ ହେବା ପରେ ହଙ୍ଗାମା ଯୋଗୁଁ ଅପରାହ୍ନ ୨ଟା ପର୍ଯ୍ୟନ୍ତ ଗୃହକୁ ମୁଲତବୀ ରଖିବାକୁ ପଡ଼ିଥିଲା। ଯେତେବେଳେ ଶ୍ରୀମତୀ ମୈତ୍ରାଙ୍କୁ ବହିଷ୍କାର କରିବା ପାଇଁ ପ୍ରସ୍ତାବ ଉପସ୍ଥାପନ କରାଯାଇଥିଲା।

ରିପୋର୍ଟରେ ଉଲ୍ଲେଖ କରାଯାଇଛି ଯେ ବେଆଇନ ଭାବେ ପ୍ରଶ୍ନ ପଚାରିବା ନିମନ୍ତେ ଲାଞ୍ଚ ଗ୍ରହଣ କରିବାର ଅଭିଯୋଗ ସ୍ପଷ୍ଟ ଭାବରେ ପ୍ରମାଣିତ ହୋଇଛି ଏବଂ ଅସ୍ୱୀକାରଯୋଗ୍ୟ।  ବ୍ୟବସାୟୀଙ୍କଠାରୁ ଉପହାର ନେବା ଯାହାକୁ ସେ ଲଗ୍‌-ଇନ୍‌ (ବିବରଣୀ) ହସ୍ତାନ୍ତର କରିଥିଲେ ତାହା ଏକ ନିନ୍ଦନୀୟ ଘଟଣା। ଏହା ଜଣେ ସାଂସଦଙ୍କ ପାଇଁ ଅନୁପଯୁକ୍ତ ଏବଂ ଅନୈତିକ ଆଚରଣ।

ଶ୍ରୀମତୀ ମୈତ୍ର ଲାଞ୍ଚ ବାବଦରେ ନଗଦ ଟଙ୍କା ଗ୍ରହଣ କରିଥିବା ପ୍ରସଙ୍ଗରେ ରିପୋର୍ଟରେ ସରକାରଙ୍କୁ ଅପରାଧିକ ତଦନ୍ତ କରି ‘ମନି ଟ୍ରେଲ୍‌’ର ପର୍ଦ୍ଦାଫାସ କରିବାକୁ କୁହାଯାଇଛି।