ଟଳିଲା ବଡ଼ ଅଘଟଣ, ଆଉ ଏକ ବିମାନ ସହ ଧକ୍କା ହେଲା ଇଣ୍ଡିଗୋ ବିମାନର ଡେଣା

ନୂଆଦିଲ୍ଲୀ: କୋଲକାତା ବିମାନ ବନ୍ଦରରେ ବୁଧବାର ଏକ ବଡ଼ ଦୁର୍ଘଟଣା ଟଳିଯାଇଛି। ଇଣ୍ଡିଗୋ ଏୟାରଲାଇନ୍ସର ଏକ ବିମାନର ଡେଣା ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନର ଡେଣା ସହ ଧକ୍କା ହୋଇଥିଲା । ଇଣ୍ଡିଗୋ ବିମାନଟି ଟ୍ୟାକ୍ସିୱେ ଦେଇ ଯାଉଥିବା ବେଳେ ବିମାନର କିଛି ଅଂଶ ଏୟାର ଇଣ୍ଡିଆର ଅନ୍ୟ ଏକ ବିମାନ ସହ ଧକ୍କା ହୋଇଥିଲା। ଏହି ଘଟଣାରେ କେହି ମୃତାହତ ହୋଇନଥିବା ଜଣାପଡିଛି ।

ମିଳିଥିବା ସୂଚନା ଅନୁଯାୟୀ, ଇଣ୍ଡିଗୋର ବିମାନ କ୍ଲିୟରାନ୍ସକୁ ଅପେକ୍ଷା କରିଥିଲା। ଏହି ସମୟରେ ତାହା ୱିଙ୍ଗଟିପ୍ ରେ ଛିଡ଼ା ହୋଇଥିବା ଏୟାର ଇଣ୍ଡିଆ ଏକ୍ସପ୍ରେସକୁ ଧକ୍କା ଦେଇଥିଲେ। ଏୟାର ଇଣ୍ଡିଆ ଏକ୍ସପ୍ରେସ୍ ବିମାନଟି ଚେନ୍ନାଇ ଯାଉଥିଲା। ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି।

ଏହି ଦୁର୍ଘଟଣା ନେଇ ଏୟାର ଇଣ୍ଡିଆ ଏକ୍ସପ୍ରେସର ଏକ ବୟାନ ଆସିଛି । ଏହି ବୟାନରେ କୁହାଯାଇଛି  "ଏକ ବାହ୍ୟ ପରସ୍ଥିତି ଯୋଗୁଁ ଆମ ଅତିଥିମାନଙ୍କୁ ଯେଉଁ ଅସୁବିଧା ହୋଇଛି ସେଥିପାଇଁ ଆମେ କ୍ଷମା ପ୍ରାର୍ଥନା କରୁଛୁ। ଚେନ୍ନାଇ ଯିବାକୁ ଏୟାରପୋର୍ଟର ଟାକ୍ସିଓ୍ବେରେ କ୍ଲିୟରାନ୍ସ ପାଇଁ ଅପେକ୍ଷା କରିଥିବା ଆଉ ଏକ ବିମାନର ଓ୍ବିଙ୍ଗଟିପ ଆମ ବିମାନ ସହ ଧକ୍କା ହୋଇଥିଲା । ଆମ ବିମାନଟି ଉପସାଗରୀୟ ଦେଶକୁ ଫେରିଛି ଏବଂ ଅଧିକ ତଦନ୍ତ ଜାରି ରହିଛି, ଯାହା ପାଇଁ ଆମେ ନିୟାମକ ଏବଂ ବିମାନବନ୍ଦର କର୍ତ୍ତୃପକ୍ଷଙ୍କ ସହ ସମନ୍ୱୟ ରକ୍ଷା କରୁଛୁ।"